కాజల్, తమన్నా, జెనీలియా, సోనాలి బింద్రే, నమ్రత శిరోద్కర్, శిల్పా శెట్టి .. ఇలా అనేకమంది బాలీవుడ్ భామలు తెలుగుతెరకు పరిచయమై.. తమనటనతో తెలుగు వారికి దగ్గరయ్యారు. తాజాగా సాహో సినిమాతో శ్రద్ధ కపూర్, భరత్ అనే నేను సినిమా ద్వారా కైరా అద్వానీలు తెలుగులో తమ అదృష్టాన్ని పరీక్షించుకోబోతున్నారు. వారి జాబితాలో మరో బాలీవుడ్ బ్యూటీ చేరనుంది. ఆమె హ్యూమా ఖురేషి. జాలీ ఎల్ ఎల్ బీ 2 , బద్లాపూర్ వంటి సినిమాలతో స్టార్ ఇమేజ్ తెచ్చుకున్న ఈమె రజినీకాంత్ కాలా సినిమాతో దక్షిణాదిన అడుగుపెట్టింది. ఇక రీసెంట్ గా టాలీవుడ్ స్టార్ హీరోతో సినిమా చేయడానికి ఒప్పుకుంది.
ప్రముఖ దర్శకుడు చెప్పిన కథ వినగానే నటించడానికి ఒకే చెప్పిందంట. ఆ విషయాన్నీ ఎప్పుడెప్పుడు షేర్ చేసుకోవాలని ఆమె ఉంది. అయితే చిత్ర యూనిట్ అధికారికంగా ప్రకటించే వరకు ఆగమని చెప్పడంతో సైలెంట్ గా ఉంది. తెలుగులో ప్రస్తుతం స్టార్ హీరోయిన్స్ గా పేరు తెచుకున్నవారు అధికంగా రెమ్యునరేషన్ అడగంతో హ్యూమ వద్దకి ఈ కథ వెళ్లినట్టు సమాచారం. ఎప్పటి నుంచో తెలుగులో సినిమా చేయాలనీ ఆశపడుతున్న ఆమెకి మంచి కథ దొరకడంతో బాలీవుడ్ లో తీసుకునే పారితోషికం కంటే తక్కువకే ఒప్పుకున్నట్టు తెలిసింది. ఈ సినిమాలో టెక్నీషియన్లు, ఆర్టిస్టులు అందరూ ఫైనల్ అయిన తర్వాత వివరాలను అధికారికంగా ప్రకటించనున్నారు.
