Babu Mohan: టీవీ షోలో నవ్వించి… ఏడిపించిన బాబుమోహన్‌!

February 23, 2022 / 12:57 PM ISTByFilmy Focus

Join Us

Babu Mohan: టీవీ షోలో నవ్వించి… ఏడిపించిన బాబుమోహన్‌!

రోజూ నవ్వించే వ్యక్తి ఇంట్లో కష్టం వస్తే ఎలా ఉంటుంది… ఇది తెలియాలంటే టాలీవుడ్‌ బెస్ట్‌ అండ్‌ గ్రేట్‌ కమెడియన్స్ కోట శ్రీనివాసరావు, బాబమోహన్‌నే అడగాలి. అవిశ్రాంతంగా కొన్నేళ్లుగా నవ్విస్తున్న ఈ ఇద్దరి జీవితాల్లో విషాదం ఒకేలాంటిది. ఇద్దరి కొడుకులు ఒకేలా ప్రమాదంలో కన్నుమూశారు. కొడుకుల్ని తలచుకుని ఇద్దరూ ఎప్పుడూ బాధపడుతూనే ఉంటారు. ఓ టీవీ షోలో పాల్గొన్న బాబుమోహన్‌ తన కుమారుడిని తలచుకొని కన్నీటి పర్యంతమయ్యారు. దానికి ముందు ఆయన బాగా నవ్వించారు కూడా.

Click Here To Watch

ఈటీవీలో ప్రసారమవుతున్న శ్రీదేవి డ్రామా కంపెనీ షోకి ఈ వారం ముఖ్య అతిథులుగా చాలామంది టాలీవుడ్‌ కమెడియన్లు హాజరయ్యారు. వారంతా ఒకప్పటి టాలీవుడ్‌ హాస్య నటులు. శ్రీదేవి డ్రామా కంపెనీలో కమెడియన్లతో కలసి వాళ్లంతా నవ్వించి మెప్పించారు. అలనాటి నటి అన్నపూర్ణమ్మ ఇండస్ట్రీకి వచ్చి 50 ఏళ్లు పూర్తవుతున్న నేపథ్యం అంటూ ఓ ఈవెంట్‌లా ఈ ప్రోగ్రామ్‌ను రూపొందించారు. ఈక్రమంలో నటులకు సన్మానాలు చేశారు. ఆ సమయంలో బాబుమోహన్‌ తన కుమారుడిని తలచుకొని బాధపడ్డారు.

చనిపోయిన తన కుమారుడు గుర్తొచ్చి బాబు మోహన్‌ భావోద్వేగానికి గురయ్యారు. తనయుడి మరణాన్ని జీర్ణించుకోలేక ఒకానొక సమయంలో చిక్కిపోయి అస్థిపంజరంలా మారానని, చనిపోవాలని కూడా అనుకున్నానని కన్నీళ్లు పెట్టుకున్నారు. అంతకుముందు బాబుమోహన్‌ ‘పుష్ప’గా మారిపోయారు. లుంగీ కట్టుకుని ‘శ్రీవల్లి’కు పాట డ్యాన్స్‌ వేసి అదరగొట్టారు. బస్‌ జర్నీ స్కిట్‌లో తనదైన టైమింగ్‌తో కడుపుబ్బా నవ్వించారు. టాలీవుడ్‌లో స్టార్‌ కమెడియన్‌గా వెలుగొందిన బాబుమోహన్‌ ఇప్పుడు సినిమాలకు దూరంగా ఉంటున్నారు.

అప్పుడప్పుడు చిన్న చిన్న పాత్రలు తప్ప… ఫుల్‌ ప్లెడ్జ్‌గా నటుడిగా నటించడం లేదు. టీవీ షోల్లో అప్పుడప్పుడు ఇలా మెరుస్తున్నారు. రాజకీయాల్లోకి వెళ్లిపోవడం, టాలీవుడ్‌ సినిమాల కమెడియన్లలో కొత్త రక్తం రావడం తదితర కారణాలతో ఆయన సినిమాలకు దూరమైపోయారు. ఆ నాటి కామెడీ వీక్షించాలంటే ఈ వారం ఎపిసోడ్‌లో చూడొచ్చు. బస్‌స్కిట్‌లో ఎక్స్‌ప్రెషన్‌ లేకుండా అలా చూస్తూ నవ్వించిన స్టైల్‌ అయితే అదిరిపోయింది.