ఇక్కడ విజయ్ దేవరకొండ గొప్పనా.. రష్మిక దేవరకొండ గొప్పనా అని మేం అనడం లేదు. కానీ రష్మిక వచ్చి ప్రచారం చేస్తే ఓ సినిమాకు వచ్చే హైప్‌ మిస్‌ అయ్యారు అని మాత్రమే చెబుతున్నాం. ఇదంతా ‘రణబాలి’ సినిమా ప్రచారం గురించే. ఈ సినిమా ట్రైలర్‌ను చిత్రబృందం ఇటీవల విడుదల చేసింది. విడుదలకు గట్టిగా వారం కూడా లేని ఈ సినిమా ప్రచారం ఇప్పటికైనా స్టార్ట్‌ చేశారు. అయితే అది సినిమా హీరోయిన్‌, నేషనల్‌ క్రష్‌ రష్మిక మందన లేకుండా.
విజయ్ దేవరకొండ, రష్మిక కాంబినేషన్‌లో రాహుల్ సాంకృత్యాన్‌ తెరకెక్కిన సినిమా ‘రణబాలి’. ఈ సినిమా ట్రైలర్‌ లాంచ్‌ ఈవెంట్‌కు రష్మిక గైర్హాజరు అయింది. ఎందుకా అని ఆరా తీస్తే.. ప్రస్తుతం ఆమె ముంబయిలో ఉంది అని చెబుతున్నారు. తన తర్వాతి చిత్రం షూటింగ్‌లో బిజీగా ఉండటం వల్ల ఆమె ఈవెంట్‌కు హాజరు కాలేదని సమాచారం. పెళ్లి తర్వాత విజయ్, రష్మిక జంటగా పాల్గొనే మొదటి పబ్లిక్ ఈవెంట్ ఇదే కావడంతో అభిమానుల్లో భారీ అంచనాలు ఏర్పడ్డాయి.
కానీ రష్మిక రాకపోవడంతో విజయ్ దేవరకొండ ఒక్కడే ఈ వేడుకను నడిపించాల్సి వచ్చింది. ఇలాంటి పరిస్థితుల్లో తన స్పాంటేనిటీ, స్క్రీన్‌ ప్రజెన్స్‌తో విజయ్ బాగానే హ్యాండిల్‌ చేశాడు. కానీ పాన్‌ ఇండియా లెవల్‌లో సినిమాకు ప్రచారం కావాలంటే మాత్రం రష్మిక ఉండాల్సిందే. ఎందుకంటే ‘రణబాలి’ లాంటి సినిమా తీసి కేవలం విజయ్ మాత్రమే ప్రచారం చేస్తే.. ఆశించిన హైప్‌ రాదు. అదే రష్మిక వస్తే.. ఇతర పరిశ్రమల్లోనూ హైప్‌ వస్తుంది. తెలుగులో ఇంకాస్త ఎక్కువ వస్తుంది.
ఇదంతా చూస్తుంటే.. రష్మికను ఈవెంట్‌కు తీసుకురావడంలో టీమ్‌ ఫెయిల్‌ అయింది అనిపిస్తోంది. ఆమె డేట్స్‌ పక్కాగా చెక్‌ చేసుకొని ఈ ఈవెంట్ పెట్టి ఉంటే. ‘రణబాలి’ ఇంకాస్త బజ్‌ని తెచ్చుకునేది. అలా ఇద్దరూ కలసి ప్రచారం చేయడం లేదా అంటే.. ఇటీవల వరుస ఇంటర్వ్యూలు ఇచ్చారు. అయితే అవి వారికి అనువుగా చేయించుకున్న సొంత ఇంటర్వ్యూలు అనుకోండి. మీడియా ఇంటర్వ్యూలు కాదు.
