Shruti Haasan, Balayya: బాలయ్యతో పాటు శృతి హాసన్.. వైరల్ అవుతున్న ఫోటోలు, వీడియో..!

నటసింహ నందమూరి బాలకృష్ణ – యంగ్ డైరెక్టర్ గోపిచంద్ మలినేనిల క్రేజీ కాంబోలో.. మైత్రీ మూవీ మేకర్స్ నిర్మిస్తున్న యాక్షన్ అండ్ ఫ్యామిలీ ఎంటర్‌టైనర్.. ‘వీర సింహా రెడ్డి’.. శృతి హాసన్ హీరోయిన్.. లాల్, ‘దునియా’ విజయ్, వరలక్ష్మీ శరత్ కుమార్, హనీ రోజ్ కీలక పాత్రల్లో నటిస్తున్నారు.. జనవరి 6 సాయంత్రం ఒంగోలులో ఈ సినిమా ప్రీ రిలీజ్ ఫంక్షన్ అంగరంగ వైభవంగా జరుగనుంది.. ఇందుకోసం నిర్మాతలు భారీ ఏర్పాట్లు చేయగా..

ఏపీ ప్రభుత్వం చివరి నిమిషంలో పర్మిషన్ క్యాన్సిల్ చేయడంతో మరో చోట హుటాహుటిన ఏర్పాట్లు చేశారు. బాలయ్య సమరసింహా రెడ్డి, నరసింహ నాయుడు, గౌతమిపుత్ర శాతకర్ణి వంటి పలు సినిమాల భారీ కటౌట్లతో ఫంక్షన్ జరిగే ప్రాంతాన్ని భారీ స్థాయిలో తీర్చిదిద్దారు.. ఇక ఈ కార్యక్రమంలో పాల్గొనడానికి బాలయ్య బాబు, శృతి హాసన్, నిర్మాతలు, సీనియర్ డైరెక్టర్ బి.గోపాల్ తదితరులు స్పెషల్ చాపర్‌లో ఒంగోలుకి బయలుదేరారు.. సిబ్బంది వారితో కలిసి తీసుకున్న ఫోటోలు, వీడియోలు మీడియాతో పాటు సోషల్ మీడియాలోనూ వైరల్‌గా మారాయి..

మరి కాసేపట్లో ఒంగోలు గడ్డపై సింహం ల్యాండ్ అవనుంది.. ఇక ఈ సినిమాకి యంగ్ మ్యూజిక్ సెన్సేషన్ థమన్ అదిరిపోయే సాంగ్స్ ఇచ్చాడు.. జై బాలయ్య, సుగుణా సుందరీ, మా బావ మనోభావాల్ దెబ్బతిన్నాయే వంటి పాటలు ఊపు ఊపుతున్నాయి.. ఫ్యాక్షన్ నేపథ్యంలో తెరకెక్కించిన యాక్షన్ ఎపిసోడ్స్ ఓ రేంజ్‌లో ఉంటాయంటున్నారు. బాలయ్య తండ్రీ కొడుకులుగా ద్విపాత్రాభినయం చేస్తున్నారు.. ‘‘రికార్డుల ఊచకోత మొదలవనుంది..

ఇక ట్రైలర్ కోసం వెయిటింగ్.. బాక్సాఫీస్ ఊపిరి పీల్చుకో.. ‘వీర సింహా రెడ్డి’ వచ్చేస్తున్నాడు’’.. అంటూ ఇప్పటినుండే ఫ్లెక్సీలు ఆర్డర్ ఇచ్చేస్తున్నారు బాలయ్య ఫ్యాన్స్.. ఎప్పటిలానే 2023 సంక్రాంతి సీజన్ బాలయ్యకి కలిసొస్తుందని.. ‘అఖండ’ తర్వాత మళ్లీ బాక్సాఫీస్ మాస్ జాతర చూడబోతున్నామని సోషల్ మీడియాలో పోస్టులతో సందడి చేస్తున్నారు.. జనవరి 12న నటసింహం భారీ అంచనాలతో బాక్సాఫీస్ బరిలోకి దిగబోతున్నాడు..

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?