నవ్వే వాళ్లు నవ్వని, ఏడ్చే వాళ్లు ఏడ్వని, పొగిడే వాళ్లు పొగడని, తిట్టే వాళ్లు తిట్టని.. ‘డోంట్‌ కేర్‌.. డోంట్‌ కేర్‌’. ఈ పాట ఏ సినిమాలోనిదో మీకు తెలుసుగా? ‘చెన్నకేశవరెడ్డి’లోని హీరో ఇంట్రడక్షన్‌ సాంగ్‌. ఆ రోజుల్లో ఈ పాటకు మంచి స్పందన వచ్చింది. యాటిట్యూడ్‌ చూపించాలనుకునే యువత ఈ పాటను ఆ రోజుల్లో హమ్‌ చేస్తుండేది. ఇప్పుడు ఆ పాటనే బాలయ్య సినిమాకు టైటిల్‌గా పెడుతున్నారా? అవుననే అంటున్నాయి టాలీవుడ్‌ వర్గాలు.
అనిల్ రావిపూడి దర్శకత్వంలో బాలకృష్ణ ఓ సినిమా చేయనున్న విషయం తెలిసిందే. కొద్ది రోజుల క్రితం బాలయ్య ఈ సినిమాను ‘అన్‌స్టాపబుల్‌’ షోలో అధికారికంగా ప్రకటించారు. ‘ఎఫ్‌ 3’ పనులు అయిపోవడంతో ఇప్పుడు అనిల్ రావిపూడి ఈ సినిమా పనులు మొదలుపెట్టడానికి సిద్ధమయ్యారు. తన టీమ్‌ ఇప్పటికే సినిమా కథ మీద కుస్తుపడుతోంది. ఈ క్రమంలోనే సినిమా పేరు ఇదేనంటూ ఓ పుకారు షికారు చేస్తోంది. వాటి ప్రకారం చూస్తే ‘చెన్నకేశవరెడ్డి’ సినిమాలో పాట ఈ సినిమా టైటిల్‌ అవుతుంది.
అనిల్ రావిపూడి సినిమాలో బాలయ్య యాటిట్యూడ్‌ ‘బ్రో… ఐ డోంట్‌ కేర్‌’ అనేలా ఉంటుందట. అందుకే సినిమాకు ఈ పేరు అయితేనే బాగుంటుందని అనుకున్నారట. త్వరలోనే ఈ సినిమా పేరు అఫీషియల్‌గా అనౌన్స్‌ చేస్తారట. ఇక ఈ సినిమా కథ, కాన్సెప్ట్‌ గురించి అనిల్ రావిపూడి ఇప్పటికే చెప్పేశారు. ఇందులో బాలయ్య మధ్య వయస్కుడిగా కనిపిస్తాడు. అతని కూతురిగా యువ కథానాయిక శ్రీలీల నటిస్తుందట. ఈ సినిమాలో బాలయ్య భార్యగా ప్రియమణి నటిస్తారని సమాచారం.
ఇక ఈ సినిమాలో విలన్‌గా కథానాయిక అంజలిని తీసుకుంటున్నారని సమాచారం. సినిమాలో లేడీ విలన్ రోల్‌ చాలా ప్రాముఖ్యత చాలా ఎక్కువని, అందుకే అంజలిని ఎంచుకున్నారని చెబుతున్నారు. ప్రస్తుతం బాలయ్య .. గోపీచంద్‌ మలినేని సినిమా చేస్తున్నారు. ఈ సినిమా అయిన వెంటనే అనిల్ రావిపూడి సినిమా స్టార్ట్‌ చేసేస్తారని సమాచారం. అక్టోబరులో దసరాగా కానుకగా సినిమా స్టార్ట్‌ ఉండొచ్చట.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
Home