ఎన్టీఆర్ రూట్ లో వెళ్తోన్న బాలకృష్ణ!

నందమూరి బాలకృష్ణ వందో చిత్రం గౌతమి పుత్ర శాతకర్ణి ఘన విజయం సాధించడంతో ఎంతో ఉత్సాహంగా  ఉన్నారు. తన 101 వ చిత్రాన్ని పూరి జగన్నాథ్ చేతిలో పెట్టారు. ఈ సినిమాకి నేడు పూజా కార్యక్రమాలు జరిగాయి. ముహూర్తము నాడే డైరక్టర్ రిలీజ్ డేట్ ఫిక్స్ చేశారు. సెప్టెంబర్ 29న రిలీజ్ కానున్నట్లు ప్రకటించారు. ఈ క్రేజీ కాంబినేషన్లో వస్తున్న సినిమాపై భారీ అంచనాలు నెలకొన్నాయి. ఇక తారక్ బాటలో అని ఎందుకు చెప్పామంటే.. జూనియర్ ఎన్టీఆర్ పూరి దర్శకత్వంలో టెంపర్ చేసి హిట్ కొట్టారు. అబ్బాయి కి   హిట్ ఇచ్చిన డైరక్టర్ నే తన 101 సినిమాకు ఎంచుకోవడం ఒక కారణమయితే.. రెండో కారణం లొకేషన్. ఎన్టీఆర్ నాన్నకు ప్రేమతో సినిమా ఎక్కువభాగం బ్రిటన్ లో జరిగింది. బాలయ్య సినిమా కూడా ఎక్కువ భాగం బ్రిటన్ లోనే జరుగుతుందని సమాచారం. మార్చి16 నుంచి  తొలి షెడ్యూల్ హైదరాబాద్ లో ప్రారంభం అవుతుంది.

తొలుత బాలయ్యపై యాక్షన్ సీన్ చిత్రీకరించనున్నారు. ఈ షెడ్యూల్ తర్వాత బ్రిటన్ కి వెళ్లనుంది. బ్రిటన్ షెడ్యూల్  ఏప్రిల్ 7 నుంచి మే 7వరకూ కొనసాగనుంది. డైరక్టర్, లొకేషన్ మాత్రమే కాదు బాలయ్య లుక్ కూడా స్టైల్ గా ఉండనుందని తెలిసింది. మాస్ ప్రేక్షకుల్లో ఫాలోయింగ్ ఉన్న ఈ ఇద్దరు హీరోలు స్టైల్స్ పై పెద్దగా దృష్టి పెట్టరు. ఎన్టీఆర్ నాన్నకు ప్రేమతో సినిమాలో మేకోవర్ పై శ్రద్ధ పెట్టారు. ఇప్పుడు బాలకృష్ణ మేకోవర్ పై కేర్ తీసుకోనున్నట్లు సమాచారం. ఇలా తారక్ ని బాలకృష్ణ అనుసరిస్తున్నారు.

Also, do SUBSCRIBE to our YouTube channel to get latest Tollywood updates.