బాలకృష్ణను భోళా శంకరుడు, చిన్నపిల్లాడి మనస్తత్వం, తన దగ్గర వాళ్లతో చాలా స్నేహంగా, సరదాగా ఉంటారు అని అంటుంటారు. ఆయన ఓటీటీ టాక్ షో ‘అన్‌స్టాపబుల్‌’ చూసిన వాళ్లకు అవును వాళ్లందరూ చెప్పేది నిజమే అని అనిపిస్తుంటుంది. అయితే అదంతా బయటేనా? సినిమా షూటింగ్‌లు, సినిమా ప్రచారాలు, సినిమా కార్యక్రమాల వరకు కాదా? అని అంటే అవును అనే సమాధానమే వస్తుంది.
‘అన్‌స్టాపబుల్‌’ షోలో బాలయ్య గత కొద్ది రోజులుగా అదరగొడుతున్నాడు.
ఎంతో కూల్‌గా, క్లాస్‌గా హోస్ట్‌ చేస్తున్నాడు. తన మీద ఎవరు పంచ్‌ వేసినా సరదాగానే తీసుకుంటున్నాడు. అభిమానులతో ప్రేమగా ఉంటున్నాడు. తన కంటే చిన్నవాళ్లయిన హీరోలతో కలసిపోయి సందడి చేస్తున్నారు. తన కంటే పెద్ద వాళ్లు వస్తే గౌరవంగా ఉంటున్నాడు. దీంతో బాలయ్యలో ఎంత మార్పు వచ్చింది అంటూ అభిమానులు పొంగిపోతున్నారు. ఎందుకంటే ఫొటోలు అడిగినందుకు తిట్లు, దెబ్బలు కాసింది వారే కాబట్టి. అయితే ‘వీర సింహా రెడ్డి’ సినిమా సెట్లో ఓ ఘటన జరిగింది
అంటూ గత కొన్ని రోజులుగా సోషల్‌ మీడియాలో, ఇండస్ట్రీ వర్గాల్లో ఓ చర్చ నడుస్తోంది. దీంతో బాలయ్య ‘అన్‌స్టాపబుల్‌’లో నటిస్తున్నాడా? బాలయ్యకు ఇంకా ఆ కోపం, చిరాకు అలానే ఉన్నాయా అనే ప్రశ్న కనిపిస్తోంది. అయితే బాలయ్య తాజా కోపానికి ఇబ్బందిపడింది ఆయన సిబ్బందే అని అంటున్నారు. బాలకృష్ణతో పని చేసే వాళ్లు ఎప్ప‌టికప్పుడు జాగ్ర‌త్త‌గా ఉండాల్సిందే. గతంలో ఆయన దగ్గర పని చేసిన వాళ్లు చెప్పిన మాట ఇది.
ఎందుకంటే తన అసిస్టెంట్ల‌పై బాలయ్య కోప్ప‌డిన సంద‌ర్భాలు, క‌సురుకున్న వైనాలు చాలానే ఉన్నాయట. ప్ర‌తీ సినిమా సెట్లో ఒక్క‌రైనా బాలయ్య కోపానికి బాధితుడు అవుతుంటారట. అలా ‘వీర సింహారెడ్డి’ సెట్‌లోనూ జరిగిందట. ఆ సినిమా సెట్లో కాస్ట్యూమ్ అసిస్టెంట్ పై బాలయ్య కోపమయ్యాడని టాక్. కాస్ట్యూమ్ అసిస్టెంట్ ప్ర‌వ‌ర్త‌న బాలయ్యకు చిరాకు తెప్పించింద‌ని, అందుకే బాలయ్య ఓ రేంజ్ లో ఫైర్ అయ్యాడ‌ని అంటున్నారు. ఆ తర్వాత ఆ కోపం సెట్లో మరికొంతమంది మీద కూడా పడిందని అంటున్నారు.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
