బాలకృష్ణ అంటే హుందాతనం, రాజసం, గాంభీర్యం… ఇలా కళ్లముందు కదలాడతాయి. అయితే ఆయన భోళాశంకరుడని, పిల్లలతో పిల్లాడిలా, యుక్తవయసు వారితో యువకుడిలా మారిపోతాడని అంటుంటారు ఆయనతో పని చేసినవాళ్లు. ఇది ఎక్కువగా సెట్స్‌లో జరుగుతుంటుంది కాబట్టి మనకు పెద్దగా తెలియదు. అప్పుడప్పుడు సినిమా ఫంక్షన్స్‌లో కనిపిస్తుంటుంది. అయితే ‘అన్‌స్టాపబుల్‌’ షో మొదలయ్యాక… ఆయనలోని రకరకాల షేడ్స్‌ బయటకు వస్తున్నాయి. ఒక్కోటి ఒక్కో పటాసులా పేలుతోంది.
‘అఖండ’ సినిమా ఘనవిజయం సాధించడంతో చిత్రబృందం ఇటీవల ‘అన్‌స్టాపబుల్‌’షోకి వచ్చింది. ఈ సందర్భంగా సినిమా గురించి చాలాసేపు మాట్లాడుకున్నారు. కాసేపు ఆటలాడుకున్నారు. మధ్యలో బాలయ్య చమక్కులు, చురుక్కులు అదిరిపోయాయి. అయితే షోలో తమన్‌ ఎంట్రీ ఇవ్వగానే కొత్త బాలయ్య బయటకు వచ్చాడు. ఏకంగా తమన్‌ పొట్ట మీద ముద్దు పెట్టి మురిసిపోయాడు. ఎందుకిలా అని అడిగితే… మంచి సంగీతం ఇచ్చిన ఆనందం అని చెప్పుకొచ్చాడు.
ఇక ప్రగ్యా జైశ్వాల్‌తో బాలయ్య సందడి అయితే వావ్‌ అనాలి. ‘బాలయ్య సర్‌’ అని ప్రగ్యా అన్నప్పుడల్లా… ‘నో నో’ అంటూ వారించారు. దాంతో ప్రగ్యా… ఇంకాస్త చొరవ తీసుకొని ‘బాల’ అనడంతో నవ్వులు విరిశాయి. ఆ తర్వాత ఆడిన సరదా ఆటలోనూ బాలయ్య తెగ నవ్వించాడు. ‘పాప నాది’ అంటూ ప్రగ్యాను ఆట పట్టించాడు. బ్రహ్మానందం ఎపిసోడ్‌లో చేసిన అల్లరిని మించి ఈ ఎపిసోడ్‌లో చేశాడని చెప్పొచ్చు.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
