Balakrishna, Manchu Vishnu: విష్ణుకు బాలకృష్ణ ఫోన్.. నేనున్నానంటూ?

September 28, 2021 / 08:27 PM ISTByFilmy Focus

Join Us

Balakrishna, Manchu Vishnu: విష్ణుకు బాలకృష్ణ ఫోన్.. నేనున్నానంటూ?

టాలీవుడ్ స్టార్ హీరోలలో ఒకరైన నందమూరి బాలకృష్ణ ప్రస్తుతం అఖండ సినిమాలో నటిస్తుండగా 2022 సంవత్సరం జనవరి 5వ తేదీన ఈ సినిమా రిలీజయ్యే అవకాశాలు ఉన్నాయని వార్తలు వస్తున్నాయి. వచ్చే నెల 10వ తేదీన మూవీ ఆర్టిస్ట్ అసోసియేషన్ ఎన్నికలు జరగనుండగా ప్రధానంగా ప్రకాష్ రాజ్, మంచు విష్ణు మధ్య పోటీ ఉండనుందని తెలుస్తోంది. ఇప్పటికే నామినేషన్ల ప్రక్రియ ప్రారంభమైంది. ప్రకాష్ రాజ్, మంచు విష్ణు అధ్యక్ష పదవికి పోటీ చేస్తున్నట్టు నామినేషన్స్ ను దాఖలు చేశారు.

మూవీ ఆర్టిస్ట్ అసోసియేషన్ ఎన్నికల వల్ల టాలీవుడ్ ఇండస్ట్రీలో హడావిడి కనిపిస్తోంది. అయితే మంచు విష్ణు ఒక ఇంటర్వ్యూలో మాట్లాడుతూ మూవీ ఆర్టిస్ట్ అసోసియేషన్ ఎన్నికల గురించి ఆసక్తికర విషయాలను వెల్లడించారు. ఇండస్ట్రీ పెద్దలు ఏకగ్రీవంగా అధ్యక్షుడిని ఎంచుకుంటారని అనుకున్నానని కానీ ఆ విధంగా జరగలేదని విష్ణు పేర్కొన్నారు. బాలకృష్ణ తనకు ఫోన్ చేసి ఎన్నికల్లో పోటీ చేయాలని మంచి నిర్ణయం తీసుకున్నావని నేనున్నానని ధైర్యంగా ముందుకెళ్లాలని చెప్పారని విష్ణు వెల్లడించారు.

నాగబాబు అంకుల్ ను తాను ఇంటిపెద్దగా భావిస్తానని ఆయన చేసిన కామెంట్లు బాధించాయని విష్ణు చెప్పుకొచ్చారు. ప్రకాష్ రాజ్, మంచు విష్ణులలో అధ్యక్ష పదవికి ఎవరు ఎంపికవుతారో చూడాల్సి ఉంది. మూవీ ఆర్టిస్ట్ అసోసియేషన్ ఎన్నికల ఫలితాల కోసం ప్రేక్షకులు ఆసక్తిగా ఎదురు చూస్తున్నారు. మరోవైపు విష్ణు ప్రస్తుతం ఢీ అండ్ ఢీ సినిమాలో నటిస్తున్నారు. ఈ సినిమాకు ప్రముఖ దర్శకుడు శ్రీనువైట్ల దర్శకత్వం వహించారు.