Balayya, Thaman: ఇప్పట్లో తమన్ ని వదిలేలా లేరు!

ఒకప్పుడు మ్యూజిక్ డైరెక్టర్, హీరోలకు సింక్ బాగా కుదిరేది. అందుకే హిట్ ఆల్బమ్స్ చాలానే వచ్చేవి. చిరంజీవి, బాలకృష్ణలతో మొదలుపెడితే మహేష్ బాబు వరకు అప్పట్లో మణిశర్మ అందరికీ బెస్ట్ ఛాయిస్ గా ఉండేవారు. హీరోల అంచనాలకు తగ్గట్లుగానే మంచి ఆల్బమ్స్ ఇచ్చారు. ఇళయరాజా కూడా కొందరు హీరోలకు బాగా సింక్ అయ్యారు. అలానే దేవిశ్రీప్రసాద్ కూడా అప్పట్లో ఈ దశను బాగానే ఎంజో చేశారు. ఇప్పుడు తమన్ టైం నడుస్తోంది. సీనియర్ హీరో బాలయ్యకు, తమన్ కి మధ్య సింక్ బాగా కుదిరింది.

ఈరోజు మొదలైన బాలయ్య కొత్త సినిమాకి తమన్ ను మ్యూజిక్ డైరెక్టర్ గా కన్ఫర్మ్ చేశారు. బాలయ్య నటించిన ‘అఖండ’ సినిమా అంత పెద్ద హిట్ అయిందంటే దానికి ఒకరకంగా తమన్ కూడా కారణమే. ఇప్పుడు ‘వారసింహారెడ్డి’కి కూడా తమనే మ్యూజిక్ అందించారు. ఈ సినిమాలో బీజీఎమ్ ఓ రేంజ్ లో ఉంటుందని చెబుతున్నారు. అంతగా మెప్పిస్తున్న తమన్ ని కాకుండా ఇంకెవరిని ఎన్నుకుంటారు..? దర్శకుడు అనిల్ రావిపూడికి దేవిశ్రీప్రసాద్ తో మంచి బాండింగ్ ఉంటుంది.

ఆయన సినిమాలకు వరుసగా దేవీనే మ్యూజిక్ అందిస్తున్నారు. కానీ ఆయన్ను కాదని బాలయ్య కోసం తమన్ ను ఓకే చేశారు అనిల్ రావిపూడి. ఇక్కడ తమన్.. బాలయ్య రికమెండేషన్ అని స్పెషల్ గా చెప్పనక్కర్లేదు. మొత్తానికి తమన్ సీనియర్లతో మొదలుపెట్టి యంగ్ హీరోల వరకు వరుసగా సినిమాలు చేస్తూ.. తన సత్తా చాటుతున్నారు.

ప్రస్తుతం ఆయన చేతిలో చరణ్-శంకర్ సినిమా, మహేష్ బాబు-త్రివిక్రమ్ సినిమా అలానే ‘వారసుడు’ లాంటి క్రేజీ ప్రాజెక్ట్స్ ఉన్నాయి. అలానే మరికొన్ని సినిమాలు ఒప్పుకుంటున్నారు తమన్. ఇప్పట్లో ఆయన జోరు తగ్గేలా లేదు!

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!