సముద్రఖని డైరెక్షన్ లో పవన్, సాయితేజ్ హీరోలుగా అత్యంత భారీ బడ్జెట్ తో వినోదాయ సిత్తం రీమేక్ తెరకెక్కుతున్న సంగతి తెలిసిందే. ఈ సినిమాకు త్రివిక్రమ్ శ్రీనివాస్ స్క్రీన్ ప్లేలో మార్పులు చేసిన నేపథ్యంలో ఈ సినిమాపై అంచనాలు అంతకంతకూ పెరుగుతున్నాయి. వరుస సక్సెస్ లతో జోరుమీదున్న త్రివిక్రమ్ పని చేసిన సినిమాలు సైతం అంచనాలకు మించి ఫలితాలను సొంతం చేసుకుంటున్నాయి. అయితే ఈ సినిమాకు దేవుడు అనే టైటిల్ ను ఫిక్స్ చేశారని ఇండస్ట్రీ వర్గాల్లో జోరుగా వినిపిస్తుండటం గమనార్హం.
చాలా సంవత్సరాల క్రితం బాలయ్య హీరోగా ఇదే టైటిల్ తో ఒక సినిమా తెరకెక్కింది. అయితే ఈ సినిమా బాక్సాఫీస్ వద్ద ఆశించిన ఫలితాన్ని సొంతం చేసుకోలేదు. బాలయ్య మూవీ టైటిల్ ను పవన్ మూవీకి ఫిక్స్ చేస్తే ఫ్యాన్స్ ఎలా రియాక్ట్ అవుతారో చూడాల్సి ఉంది. ఈ సినిమాకు దేవర అనే టైటిల్ ను ఫిక్స్ చేయాలని అనుకున్నా కొన్ని కారణాల వల్ల దేవుడు అనే టైటిల్ పై దృష్టి పెట్టారని బోగట్టా. ఈ నెలాఖరు నాటికి ఈ సినిమాలో పవన్ కు సంబంధించిన సన్నివేశాలు పూర్తయ్యాయని సమాచారం అందుతోంది.
ఈ టైటిల్ కు సంబంధించి అధికారిక ప్రకటన రావాల్సి ఉంది. పవన్ ఈ సినిమా కోసం ఏకంగా 80 కోట్ల రూపాయల రేంజ్ లో రెమ్యునరేషన్ తీసుకున్నారని సమాచారం అందుతోంది. రోజుకు 4 కోట్ల రూపాయల రేంజ్ లో పవన్ కళ్యాణ్ పారితోషికం అందుకుంటున్నారు. ఈ సినిమాతో సక్సెస్ సాధిస్తే సముద్రఖని టాలీవుడ్ ఇండస్ట్రీలో బిజీ అయ్యే అవకాశం ఉంది.
సముద్రఖనికి దర్శకునిగా ఇది మంచి అవకాశం అని చెప్పాలి. సముద్రఖనికి పారితోషికం అంతకంతకూ పెరుగుతుండగా ఈ సినిమాకు భారీ రేంజ్ లోనే ఆయన రెమ్యునరేషన్ తీసుకుంటున్నారని తెలుస్తోంది. సినిమా సినిమాకు సముద్రఖని స్థాయి పెరుగుతోందని అభిప్రాయాలు వ్యక్తమవుతున్నాయి.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home