స్టార్ హీరో నందమూరి బాలకృష్ణ హీరోగా బోయపాటి శ్రీను డైరెక్షన్ లో తెరకెక్కుతున్న అఖండ సినిమా కోసం నందమూరి ఫ్యాన్స్ కళ్లు కాయలు కాచేలా ఎదురు చూస్తున్నారు. సాధారణంగా బాలకృష్ణ ఇతర హీరోలతో పోలిస్తే వేగంగా సినిమా షూటింగ్ పూర్తయ్యేలా జాగ్రత్తలు తీసుకుంటారు. అయితే కరోనా ఫస్ట్ వేవ్, సెకండ్ వేవ్ వల్ల అఖండ మూవీ రిలీజ్ అంతకంతకూ ఆలస్యమవుతూ ఉండటం గమనార్హం. ప్రస్తుతం ఈ సినిమా క్లైమాక్స్ షూటింగ్ తమిళనాడులో జరుగుతోంది.
అతి త్వరలో ఈ సినిమా షూటింగ్ పూర్తి కానుండగా సెప్టెంబర్ లేదా అక్టోబర్ లో ఈ సినిమాను రిలీజ్ చేయాలని మేకర్స్ భావిస్తున్నట్టు తెలుస్తోంది. ఇప్పటికే విడుదలైన టీజర్స్ అఖండ మూవీపై అంచనాలను పెంచగా ఆగష్టు మొదటి వారంలో ఈ సినిమా నుంచి ఫస్ట్ సింగిల్ రిలీజ్ కానుందని తెలుస్తోంది. థమన్ ఈ సినిమాకు సంగీతం అందిస్తున్నారు. అయితే ఫస్ట్ సింగిల్ కు సంబంధించి అధికారిక ప్రకటన రావాల్సి ఉంది.
ఈ సినిమాలో బాలకృష్ణకు విలన్ గా వరదరాజులు పాత్రలో శ్రీకాంత్ కనిపించనున్నారు. బోయపాటి శ్రీను శ్రీకాంత్ పాత్రను పవర్ ఫుల్ గా క్రియేట్ చేశారని తెలుస్తోంది. ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ సినిమాను నిర్మిస్తున్నారు. బాలకృష్ణ బోయపాటి శ్రీను కాంబో బ్లాక్ బస్టర్ కాంబో కావడంతో అఖండ సినిమా రికార్డు స్థాయిలో కలెక్షన్లు సాధిస్తుందని ఫ్యాన్స్ భావిస్తున్నారు. దాదాపు 70కోట్ల రూపాయల బడ్జెట్ తో ఈ సినిమా తెరకెక్కుతుండగా ప్రగ్యా జైస్వాల్ ఈ సినిమాలో హీరోయిన్ గా నటిస్తున్నారు.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home