ఇప్పుడు బండ్ల గణేష్ ను ఎందుకు టార్గెట్ చేసినట్లు

అమేజాన్ ప్రైమ్ లో ప్రస్తుతం “గ్యాంగ్ స్టార్స్” అనే ఒక తెలుగు వెబ్ సిరీస్ లైవ్ స్ట్రీమ్ అవుతోంది. నందిని రెడ్డి కథ, కథనం అందించిన ఈ వెబ్ సిరీస్ కి అజయ్ భూయాన్ దర్శకుడు. జగపతిబాబు, నవదీప్, శ్వేతబసు ప్రసాద్ కీలకపాత్రల్లో నటించిన ఈ వెబ్ సిరీస్ ను నెటిజన్లు బాగానే ఆదరిస్తున్నారు. అయితే.. ఈ వెబ్ సిరీస్ లో పోసాని ప్లే చేస్తున్న ప్రొడ్యూసర్ క్యారెక్టర్ అచ్చు బండ్ల గణేష్ క్యారెక్టర్ ను తలపిస్తున్నట్లు చెబుతున్నారు చూసినవాళ్ళందరూ.

నిజంగా నిర్మాత కాకపోయినా.. డబ్బున్నవాళ్లకు బినామీగా వ్యవహరిస్తూ సినిమాలు తీస్తూ వచ్చిన లాభంలో వాటా తీసుకొనే వ్యక్తిగా పోసాని ఈ వెబ్ సిరీస్ లో నటిస్తున్నాడు. పైగా అతనిది పాల బిజినెస్ కావడంతో.. బండ్ల గణేష్ డి గుడ్ల వ్యాపారం కాబట్టి రైటర్ నందిని రెడ్డి కావాలని బండ్ల గణేష్ ను టార్గెట్ చేస్తూ ఈ క్యారెక్టర్ రాసిందని చెప్పుకొంటున్నారు. “టెంపర్” తర్వాత బండ్ల గణేష్ సినిమాలకు దూరంగా ఉంటున్నాడు. కారణం తెలియదు కానీ.. మనోడికి ఇప్పుడప్పుడే సినిమాలు చేసే లేదా తీసే ఆలోచన లేదనుకుంటా. మరి ఇలాంటప్పుడు బండ్ల గణేష్ ను టార్గెట్ చేసి కామెడీ చేయడం ఎందుకో నందిని రెడ్డికే తెలియాలి.