రెండు ఇంగ్లీషు ముక్కలు నీకు నేర్పించి దేవుడు తప్పు చేశాడు!

సడెన్ గా నిర్మాతగా మారి స్టార్ హీరోలతో సినిమాలు చేసి మరింత పాపులర్ అయిన బండ్ల గణేష్ ఇప్పుడు ‘సరిలేరు నీకెవ్వరు’ చిత్రం చేస్తున్నాడు. ఇది పక్కన పెడితే.. గతేడాది తెలంగాణ ముందస్తు ఎన్నికల్లో రచ్చ రచ్చ చేసిన బండ్ల గణేష్… 7 ‘ఓ క్లాక్’ బ్లేడ్ తో మరింత పాపులర్ అయ్యాడు. ఇక తాజాగా ‘మహర్షి’ నిర్మాతలలో ఒకరైన పీవీపీతో మాటల యుద్దానికి దిగాడు బండ్లన్న. ‘టెంపర్’ సినిమా టైములో చాలా వరకూ డబ్బు ఎగ్గొట్టాడని బండ్ల గణేష్ పై పీవీపీ కేసు పెట్టిన సంగతి తెలిసిందే. ఇక తాజాగా ఈ విషయమై బండ్ల గణేష్… పీవీపీ పై మరిన్ని సెటైర్లు వేసి వివాదాలు పెంచే పనిలో పడ్డాడు.

బండ్ల గణేష్ మాట్లాడుతూ.. నువ్వు ‘స్కామ్ రాజా’ వి. నా క్యారెక్టర్ ఏమిటో సినీరంగ పెద్ద, యాభై ఏళ్ళుగా ఫైనాన్సియర్ గా ఉన్న సత్తి రంగయ్యను అడిగి తెలుసుకో. క్యారెక్టర్ లేని వ్యక్తి… నా గురించి ఏంటి చెప్పేది. నేను ఉండేది, చచ్చిపోయేది హైదరాబాదులోనే…! నువ్వు ఇండియాలో ఉండవన్న సంగతి నాకు తెలుసు. గోవాలో ఒక ఇల్లు, లండన్ లో మరో ఇల్లు కట్టుకుంటున్నావు. స్కామ్ ల నుంచి తప్పించుకుని పారిపోవాలని చూస్తున్నావు. స్కామ్ ఎక్కడ ఉంటే నువ్వు అక్కడ ఉంటావు. నీకు రెండు ఇంగ్లీష్ ముక్కలు నేర్పించి భగవంతుడు చాలా తప్పు చేశాడు’ అంటూ పీవీపీ పై తీవ్ర విమర్శలు చేసాడు.

ఎవ్వ‌రికీ చెప్పొద్దు సినిమా రివ్యూ & రేటింగ్!
సైరా సినిమా రివ్యూ & రేటింగ్!