Bandla Ganesh :‘మా’ బిల్డింగ్ పై బండ్లన్న షాకింగ్ కామెంట్స్!

మూవీ ఆర్టిస్ట్ అసోసియేషన్ ఎన్నికల గురించి ఈ మధ్య కాలంలో జోరుగా చర్చ జరుగుతున్న సంగతి తెలిసిందే. ఐదుగురు ప్రముఖ సెలబ్రిటీలు పోటీ చేస్తున్నామని ప్రకటించడంతో ఈ ఎన్నికల్లో ఎవరు గెలుస్తారనే చర్చ ప్రేక్షకుల మధ్య జరుగుతోంది. తాజాగా ‘మా’ ఎన్నికల గురించి బండ్ల గణేష్ షాకింగ్ కామెంట్స్ చేశారు. ప్రకాష్ రాజ్ ఇప్పటికే ప్యానల్ ను కూడా ప్రకటించిన సంగతి తెలిసిందే. నటుడు బండ్ల గణేష్ ఇప్పటికే ప్రకాష్ రాజ్ కు మద్దతు ప్రకటించారు.

తాజాగా మీడియాతో మాట్లాడిన బండ్ల గణేష్ ప్రస్తుత పరిస్థితుల్లో మూవీ ఆర్టిస్ట్ అసోసియేషన్ కు భవనం అవసరం లేదని చెప్పుకొచ్చారు. ‘మా’ బిల్డింగ్ కు తాను వ్యతిరేకినని బండ్ల గణేష్ అన్నారు. ‘మా’ భవనం కంటే ముందు ‘మా’ కోసం చేయాల్సిన ఎన్నో పనులు ఉన్నాయని ఆయన చెప్పుకొచ్చారు. ‘మా’లో ఉన్న వాళ్లలో ఎక్కువమంది ఆర్థిక సమస్యలతో ఇబ్బందులు పడుతున్నారని బండ్ల గణేష్ వెల్లడించారు. ‘మా’ బిల్డింగ్ నిర్మాణం కొరకు ఖర్చు చేసే డబ్బులను

20 కోట్ల రూపాయలు ఖర్చు చేసి పేద కళాకారులకు ఉచితంగా డబుల్ బెడ్ రూమ్ ఇళ్లు ఇస్తే బాగుంటుందని ఆయన అభిప్రాయం వ్యక్తం చేశారు. ‘మా’కు బిల్డింగ్ లేకపోతే సినిమాలు చూసే వాళ్ల సంఖ్య తగ్గదని సినిమా షూటింగ్ లు ఆగిపోవని ఇండస్ట్రీ ఆగిపోదని బండ్ల గణేష్ అన్నారు. ఇలాంటి పని కొరకు టాలీవుడ్ స్టార్ హీరోలు కూడా ముందుకు వస్తారని బండ్ల గణేష్ చెప్పుకొచ్చారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!