ఏ స్టార్ హీరోకైనా కోట్ల సంఖ్యలో అభిమానులు ఉంటారు. అయితే నిత్యం ఫేవరెట్ హీరోల నామస్మరణ చేస్తూ హీరోలపై అభిమానం చాటుకునే భక్తులు మాత్రం కొంతమందే ఉంటారు. పవన్ కళ్యాణ్ వీరాభిమానులలో బండ్ల గణేష్ ఒకరనే సంగతి తెలిసిందే. పవన్ తో సినిమాలను నిర్మించాలని ఆశ పడుతున్న బండ్ల గణేష్ ఛాన్స్ దొరికితే పవన్ కళ్యాణ్ సొంత పార్టీ అయిన జనసేనలో చేరే అవకాశాలు కనిపిస్తున్నాయి. అయితే తాజాగా బండ్ల గణేష్ ట్విట్టర్ లో ఒక పోస్ట్ పెట్టగా ఆ పోస్ట్ నెట్టింట తెగ వైరల్ అవుతోంది.
బండ్ల గణేష్ ఆ పోస్ట్ లో పవన్ కళ్యాణ్ హరిహర వీరమల్లు సినిమాకు సంబంధించిన ప్రాక్టీస్ సెషన్ ఫోటోలను షేర్ చేయడంతో పాటు “గన్ను పట్టినా పెన్ను పట్టినా కత్తి పట్టినా మైక్ పట్టినా ఏది పట్టినా ఎవరిపై గురిపెట్టినా మీకు తిరుగులేదు దేవరా” అంటూ పోస్ట్ లో చెప్పుకొచ్చారు. పవన్ ను ప్రశంసిస్తూ బండ్లన్న చేసిన ట్వీట్ నెటిజన్లను ఆకట్టుకుంటోంది. పవన్ ను ప్రశంసించడంలో బండ్ల గణేష్ తరువాతే ఎవరైనా అంటూ నెటిజన్లు కామెంట్లు చేస్తున్నారు.
బండ్ల గణేష్ చేసిన ఈ ట్వీట్ కు తక్కువ సమయంలోనే రికార్డ్ స్థాయిలో వ్యూస్ వస్తున్నాయి. పవన్ హరిహర వీరమల్లు సినిమా కోసం రికార్డు స్థాయిలో డేట్స్ ను కేటాయించారని సమాచారం అందుతోంది. ఈ ఏడాదే హరిహర వీరమల్లు సినిమా రిలీజయ్యే అవకాశం అయితే ఉంది. పవన్ కళ్యాణ్ హరిహర వీరమల్లు సినిమాతో హ్యాట్రిక్ ను సొంతం చేసుకుంటారేమో చూడాల్సి ఉంది. పవన్ కు యూత్ లో ఉన్న క్రేజ్, ఫ్యాన్ ఫాలోయింగ్ అంతాఇంతా కాదు.
పవన్ కు జోడీగా నిధి అగర్వాల్ ఈ సినిమాలో నటిస్తుండగా ఈ సినిమా రిలీజ్ కోసం నిధి అగర్వాల్ ఆసక్తిగా ఎదురుచూస్తున్నారని తెలుస్తోంది. ఈ సినిమాతో స్టార్ హీరోయిన్ స్టేటస్ దక్కుతుందని నిధి అగర్వాల్ భావిస్తున్నారు.
గన్ను పట్టిన పెన్ను పట్టిన కత్తిపట్టిన మైకు పెట్టినా ఏది పట్టిన ఎవరి పై గురి పెట్టిన మీకు తీరుగు లేదు దేవర 👌 @PawanKalyan pic.twitter.com/WlKa6lnxE0
— BANDLA GANESH. (@ganeshbandla) April 7, 2022
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home