క్రియేటివ్ దర్శకుడిపై బడా నిర్మాత కామెంట్స్!!

అతడు ఒక క్రియేటివ్ డైరెక్టర్, మరొకతను టాప్ ప్రొడ్యూసర్, అంటే గతంలో చిన్న చిన్న పాత్రలు వేసుకుంటూ మంచి ఆర్టిస్ట్ గా పేరు పొందాడు అనుకోండీ. అయితే వీళ్ళిద్దరికీ ఒక చోట చెడింది. ఇక ఆ విషయాన్ని మైండ్ లో పెట్టుకున్న సదరు నిర్మాత ఆ దర్శకుడిపై వీలు చిక్కినప్పుడల్లా కామెంట్స్ తో దూసుకుపోతున్నాడు. ఇంతకీ ఎవరు ఆ దర్శకుడు, ఎవరు ఆ నిర్మాత అంటే ఒక్కసారి ఈ స్టోరీ చదవండి మీకే ఒక క్లారిటీ వస్తుంది…అవును టాలీవుడ్ టాప్ దర్శకుల్లో ఒకరిగా పేరు పొంది ఎన్నో క్రియేటివ్ మరియు సెన్సేషనల్ సినిమాలు తెరకెక్కించిన టాప్ దర్శకుల్లో ఒక కృష్ణ వంశీ…అదే క్రమంలో సినిమా లో జూనియర్ ఆర్టిస్ట్ గా లైఫ్ మొదలు పెట్టి రాత్రికి రాత్రే దాదాపుగా బడా నిర్మాతగా మారిపోయిన వాడు బండ్ల గణేశ్. అయితే వీళ్ళిద్దరూ కలసి చేసిన ‘గోవిందుడు అందరివాడేలే’ సినిమా భారీ డిజాష్టర్ అనే చెప్పాలి.

అయితే అదే క్రమంలో ఈ సినిమా సమయంలో బండ్లకు జరిగిన కొన్ని అనుభవాలను పంచుకుంటూ, ఏం తీయాలనేది ముందే డిసైడ్‌ కాడని, సెట్‌కి వచ్చి ఏం తీయాలా అని ఆలోచిస్తుంటాడని, షాట్‌ ఎలా పెట్టాలని ఆలోచిస్తాడే తప్ప మంచి కథ మీద కసరత్తు చేయడని, అతని వల్ల చాలా వేస్టేజీ జరుగుతుందని, అలాంటి దర్శకుడిని అసలు చూడలేదని, మళ్లీ జీవితంలో అతనితో పని చేయకూడదని అనుకుంటున్నానని ఒక్కసారిగా దర్శకుడు కృష్ణ వంశీపై ఫయిర్ అయిపోయాడు బండ్ల గణేష్‌. అయితే కృష్ణ వంశీ ఎంత కమిట్‌మెంట్ ఉన్న దర్శకుడో అందరికీ తెలుసు అయితే, ఆ ఫేమ్ అతనికి ఇప్పుడు లేదు. చిన్న ఉదాహరణ తీసుకుంటే..కృష్ణ వంశీ లైన్ తప్పాడు అని ఇట్టే అర్ధం అయిపోతుంది.

సూపర్‌స్టార్లతో తీసే భారీ బడ్జెట్‌ చిత్రాలని కూడా ఇప్పుడు ఎనభై రోజుల్లోపే పూర్తి చేసేస్తున్నారు. పెద్ద సినిమాల్లో అరుదుగా ఒకటీ రెండు తప్ప మిగతావన్నీ ఆరు లేదా ఏడు నెలల్లో పూర్తయిపోతున్నాయి. ఇలాంటి సమయంలో చిన్న సినిమా అయిన ‘నక్షత్రం’ ఇప్పటికే 100 రోజులుపైగా షూటింగ్ జరుపుకుంది, ఇంకా మిగిలి ఉంది, ఈ లెక్క ఈ సినిమా ఎంత హిట్ అయినా నిర్మాతకు పెద్దగా మిగిలేది ఏమీ ఉండదు అని టాలీవుడ్ సర్కిల్స్ లో బలంగా వినిపిస్తున్న టాక్.

Also, do SUBSCRIBE to our YouTube channel to get latest Tollywood updates.