మొదటి సినిమా హిట్ కొట్టి.. సెకండ్ సినిమా ఫ్లాప్ కొట్టిన డైరెక్టర్స్ ని చూసి ఉంటాం. కానీ.. మొదటి సినిమాతో బ్లాక్ బస్టర్ హిట్ అందుకొని సెకండ్ సినిమా సెట్ అవ్వక ఇబ్బందిపడే డైరెక్టర్ ని మాత్రం టాలీవుడ్ లో ఇప్పటివరకూ చూడలేదు. ఆ ప్లేస్ ను ఆక్రమించాడు అజయ్ భూపతి. “ఆర్ ఎక్స్ 100″తో ఎవరూ కనీసం ఊహించని స్థాయి భారీ విజయాన్ని అందుకున్న తర్వాత అజయ్ భూపతికి భీభత్సమైన ఆఫర్లు వచ్చాయి. ముఖ్యంగా.. రామ్ చరణ్, నితిన్ లాంటి హీరోలు పిలిచి మరీ కథలు చెప్పమన్నారని వార్తలు వచ్చేసరికి మనోడి కెరీర్ సెట్ అనుకున్నారందరూ.
కట్ చేస్తే.. మొదట చరణ్, తర్వాత నితిన్ లు అజయ్ చెప్పిన కథలు రిజెక్ట్ చేశారు. ఆఖరికి బెల్లంకొండ శ్రీనివాస్ తో సినిమా చేయడానికి కూడా రెడీ అయిపోయాడు అజయ్ భూపతి. ఆ సినిమా త్వరలోనే సెట్స్ కు వెళుతుందనే వార్తలు ఇంకా పూర్తిస్థాయిలో స్ప్రెడ్ అవ్వకముందే ఆ సినిమా కూడా ఆగిపోయిందనే అప్డేట్ వచ్చింది. ఈ వర్మ శిష్యుడు చెప్పిన కథ బెల్లం బాబుకు కూడా నచ్చలేదంట. దాంతో ప్రొజెక్ట్ ను అటకెక్కించేశారు. మరో రెండు నెలల్లో “ఆర్ ఎక్స్ 100” విడుదలై ఏడాది పూర్తవుతుంది. ఇప్పటివరకూ నెక్స్ట్ సినిమా సెట్ అవ్వకపోవడం అనేది అజయ్ భూపతి కెరీర్ కు మైనస్ అనే చెప్పాలి.
Home