అందాల తార భూమిక పవర్ స్టార్ పవన్ కళ్యాణ్ సినిమా ఖుషిలో నటించి యువతకు నిద్ర లేకుండా చేసింది. ఒక్కడు, సింహాద్రి, మిస్సమ్మ వంటి సినిమాలతో ఆకట్టుకుంది. యోగా గురు భరత్ ఠాగూర్ తో పెళ్లి అయిన తర్వాత కూడా భూమిక అనసూయ వంటి చిత్రాల్లో అద్భుత నటన ప్రదర్శించింది. ఇలా తెలుగు తమిళం, హిందీ భాషల్లో బిజీ నటిగా కొనసాగింది. మూడేళ్ళ క్రితం భూమిక తల్లి కావడంతో సినిమాలకు దూరమయింది. గతఏడాది ఎంఎస్ ధోని ది అన్ టోల్డ్ స్టోరీ మూవీలో ధోనీ అక్క పాత్రలో ఆమె కనిపించింది. ఇందులో ఆమె నటనకు మంచి మార్కులే పడ్డాయి. అందుకే తెలుగు సినిమా అవకాశం ఆమెను వెతుక్కుంటూ వెళ్లింది.
వరుస విజయాలతో దూసుకుపోతున్న నేచురల్ స్టార్ నాని “నేను లోకల్” తర్వాత వేణు శ్రీరాం దర్శకత్వంలో నటించనున్నారు. ఇందులో హీరో అక్క పాత్రకు మంచి ప్రాధాన్యం ఉంది. అందుకే ఆ క్యారక్టర్ లో నటించమని భూమికను కోరగా ఆమె ఓకే చెప్పినట్లు సమాచారం. టాలీవుడ్ లో లడ్డుబాబు సినిమాలో చివరగా కనిపించిన భూమిక మళ్ళీ నాని మూవీ ద్వారా రీ ఎంట్రీ ఇస్తోంది. ప్రముఖ నిర్మాత దిల్ రాజు నిర్మించనున్న ఈ సినిమా మిస్సమ్మకు ఎంతమేర పేరు తీసుకొస్తుందో చూడాలి.
Also, do SUBSCRIBE to our YouTube channel to get latest Tollywood updates.
