ప్రేక్షకులను విసిగిస్తున్న ‘బిగ్ బాస్3’.. కారణం అదే..!

‘కింగ్’ నాగార్జున హోస్ట్ గా వ్యవహరిస్తున్న ‘బిగ్ బాస్3’ సక్సెస్ ఫుల్ గా 10 వారాలు పూర్తి చేసుకుని 11 వ వారంలోకి ఎంట్రీ ఇచ్చింది. ఇంకా మరో 5 వారాలు మాత్రమే మిగిలున్నాయి. ఇక హౌస్ లో 9 మంది కంటెస్టెంట్ లు మాత్రమే మిగిలున్నాయి. అంతా బాగానే ఉంది. కానీ ప్రేక్షకులకి కావాల్సిన మసాలా మాత్రం షో లో కరువయ్యింది. ‘బిగ్ బాస్ 1’ అంతా ఫ్యామిలీ సినిమా లా సాగిపోయింది. ఎలాగూ కొత్త కాబట్టి తెలుగు ప్రేక్షకులు ఎంతో ఇంట్రెస్టింగ్ గా సీజన్ ను చూశారు. ఇక నాని హోస్ట్ గా చేసిన సీజన్ 2 మాత్రం ఎప్పుడూ గొడవలతో ప్రేక్షకులను బాగా ఎంటర్టైన్ చేసేది. హౌస్ మేట్స్ అంతా కలిసి కౌశల్ ను టార్గెట్ చేయడం వంటి అంశాలు.. ‘బిగ్ బాస్ సీజన్ 2’ ను సూపర్ హిట్ చేసాయి.

అయితే ఆ రెండు సీజన్లు చూసి రావడం వలన అనుకుంట… ‘బిగ్ బాస్ సీజన్3’ కంటెస్టెంట్ లు అందరూ సేఫ్ గేమ్ ఆడేస్తున్నట్టు తెలుస్తుంది. ఎంత కష్టమైన టాస్కులు ఇచ్చి గొడవలు పెట్టాలని ‘బిగ్ బాస్’ ట్రై చేస్తున్నా… మళ్ళీ వెంటనే కలిసిపోయి టాస్కులు ఆడుతున్నారు కంటెస్టెంట్లు. ఒకవేళ నచ్చకపోతే టాస్కులు కూడా స్కిప్ చేసేస్తున్నారు. ఎప్పుడూ లేని విధంగా ‘బిగ్ బాస్ సీజన్ 3’ లోనే ఎక్కువ టాస్కులు క్యాన్సిల్ చేసాడు ‘బిగ్ బాస్’. షో లో బలమైన కంటెస్టెంట్ ఎవరూ లేరని గమనించి ఎలిమినేట్ అయిన అలీని మళ్ళీ హౌస్ లోకి పంపించాడు. మరి ఈవారం నుండీ షో ఎలా ఉండబోతుందో చూడాలి..!

‘సైరా’ నరసింహారెడ్డి లో ఆకర్షించే అంశాలు ఇవే!
‘బిగ్ బాస్ 3’ హౌస్ మేట్స్ ను సినిమా పోస్టర్లతో పోలిస్తే?