బిగ్బాస్ సీజన్ మొదలైందంటే చాలు.. ఆ హౌస్లోకి వెళ్లే కంటెస్టెంట్స్ ఎవరు? వాళ్లకు ఎంత రెమ్యునరేషన్ ఇస్తున్నారు? అనే విషయాలపై సోషల్ మీడియాలో భారీ చర్చ నడుస్తుంది. అయితే, ఈసారి ఎంటర్ అయిన సెలబ్రిటీస్, కామనర్స్కు బిగ్బాస్ మేనేజ్మెంట్ ఇస్తున్న పారితోషికాల లిస్ట్ ఒకటి ఇప్పుడు నెట్టింట లీక్ అయ్యింది.సాధారణంగా ఎవరైనా కంటెస్టెంట్ హౌస్లోకి వెళ్లడానికి ముందు.. బయట వాళ్లకున్న క్రేజ్, సంపాదన బట్టి బిగ్బాస్ టీమ్తో బేరసారాలు ఆడుకుంటారు.
అగ్రిమెంట్ ఫిక్స్ అయ్యాక, వాళ్లు బట్టలు కొనుక్కోవడానికి ఫస్ట్ వీక్ పేమెంట్ను షో లాంచ్కు ముందే వాళ్ల అకౌంట్స్లో వేస్తారు. ఆ తర్వాత మిగతా అమౌంట్ను ఎలిమినేట్ అయిన తర్వాత ఇస్తుంటారు. అలా ప్రస్తుత సీజన్లో అంటే ‘బిగ్ బాస్ 10’లో(Bigg Boss 10) ఉన్న కొందరు టాప్ కంటెస్టెంట్స్ రెమ్యునరేషన్స్ వివరాలు ఇప్పుడు హాట్ టాపిక్ అయ్యాయి. ఒకసారి వాటిని లుక్కేస్తే :
1) ఆటో రామ్ ప్రసాద్: ‘జబర్దస్త్’తో స్టార్ గా ఎదిగిన ఆటో రాంప్రసాద్ కి విపరీతమైన క్రేజ్, ఫ్యాన్ ఫాలోయింగ్ ఉన్నాయి. వాటిని దృష్టిలో పెట్టుకునే రామ్ ప్రసాద్కు ఈ సీజన్లో అత్యధికంగా వారానికి ఏకంగా రూ.4.5 లక్షలు పారితోషికంగా ఇస్తున్నారని టాక్.
2) వర్షిణి సౌందర్యరాజన్: రామ్ ప్రసాద్ తర్వాత హయ్యెస్ట్ రెమ్యూనరేషన్ అందుకుంటుంది యాంకర్ వర్షిణి. బుల్లితెరపై వచ్చే షోలలో పాల్గొని ఆమె చాలా పాపులర్ అయ్యింది. అందుకే ఈమెను చాలా సీజన్స్ నుండీ సంప్రదిస్తున్నారు బిగ్ బాస్ నిర్వాహకులు. ఫైనల్ గా ఈ సీజన్ కి ఆమె ఒప్పుకుంది. ఈ క్రమంలో వర్షిణికి వారానికి రూ. 3.75 లక్షలు పారితోషికంగా ఫిక్స్ చేశారట.
3) పొట్టి నరేష్: తనకున్న డిఫరెంట్ ఫిజిక్ వల్ల హౌస్లో ‘జబర్దస్త్’ నరేష్ ఒక యూనిక్ కంటెస్టెంట్గా మారాడు. ‘బిగ్బాస్’ టీమ్ కూడా అతని కోసమే స్పెషల్గా టాస్క్ ప్రాపర్టీస్ డిజైన్ చేయాల్సి వస్తుందట. ఏదేమైనా అతని ఫాలోయింగ్ ను ఆధారం చేసుకుని వారానికి రూ.2.5 లక్షల ప్యాకేజీ ఫిక్స్ చేసినట్టు సమాచారం.
4) ముకేష్ గౌడ: ‘గుప్పెడంత మనసు’ సీరియల్ హీరోగా ఇతనికి మంచి లేడీ ఫాలోయింగ్ ఉంది. అందుకే ఇతనికి వారానికి రూ.3 లక్షలు పారితోషికం ఇస్తున్నట్టు సమాచారం.
5) దేబ్జాని : ఈమె క్రేజ్ ను దృష్టిలో పెట్టుకుని ఏకంగా రూ. 2.75 లక్షలు (ఒక్కో వారానికి) చెల్లించబోతున్నారట.
6) త్రిగుణ్ : హీరోగా పాపులారిటీ తెచ్చుకున్న ఇతను.. కూడా కాస్ట్లీ బిగ్ బాస్ కంటెస్టంట్. ఒక్కో వారానికి గాను ఇతనికి రూ.2.75 లక్షలు ఆఫర్ చేశారట.
7) చైత్ర రాయ్: సీరియల్ నటి చైత్ర రాయ్కు కూడా ఒక్కో వారానికి రూ. 2.5 లక్షలు ఫిక్స్ చేసి హౌస్ లోకి పంపించారట.
8) కృష్ణుడు : ‘హ్యాపీ డేస్’ ఫేమ్ కృష్ణుడుకి ఒక్కో వారానికి రూ.2 లక్షలు పారితోషికంగా ఇస్తున్నారట.
9)టెంపర్ వంశీ: ‘టెంపర్’ నుండి సినిమాల్లో నెగిటివ్ రోల్స్ చేస్తూ వస్తున్న వంశీకి ‘బిగ్ బాస్’ వారు ఒక్కో వారానికి రూ.2 లక్షలు పారితోషికంగా ఇస్తున్నారట.
10) సుధీర్ రెడ్డి/సుధీర్ టాక్స్ : పాడ్కాస్ట్లతో ఫేమస్ అయిన ఇతనికి వారానికి రూ. 1.25 లక్షలు వరకు చెల్లించడానికి బిగ్ బాస్ వారు రెడీ అయ్యారట.
ఇక కామనర్స్ గా ఎంట్రీ ఇచ్చిన ఝాన్సీ, అమన్, షాలిని, సృష్టి, చరణ్, రోహిత్ వంటి వారిలో ఒక్కొక్కరికీ.. ఒక్కో వారానికి గాను రూ.70 వేలు చెల్లించబోతున్నట్టు సమాచారం.
