నిన్న రాత్రి ‘బిగ్ బాస్’ ఎపిసోడ్ కాస్త ఎమోషనల్ గా జరిగిందనే చెప్పాలి. సీజన్ 3 కి మొదటి నుండీ స్ట్రాంగ్ కంటెస్టెంట్స్ లో ఒకరనుకుంటున్న సీరియల్ ఆర్టిస్ట్ రవి కృష్ణ ఎలిమినేట్ అవ్వడమే హౌస్ అంతా ఎమోషనల్ అవ్వడానికి కారణంగా చెప్పుకోవచ్చు. టీవీ సీరియల్స్ ద్వారా ప్రేక్షకులకు దగ్గరైన రవికృష్ణకు…. సీరియల్ అభిమానుల మద్దతు ఎక్కువ లభించింది. ఇక టాస్కుల్లో కూడా కూల్ గా ఆడుతూ… అలాగే ఎవ్వరితోనూ గొడవలు పెట్టుకోకుండా సున్నితంగా ఆడుతూ వచ్చాడు రవికృష్ణ. అయితే సడన్ గా రవి ఎలిమినేటి అవ్వడంతో వారు కూడా హర్ట్ అయ్యారనే చెప్పాలి.
‘బిగ్ బాస్ సీజన్3’ మొదలైనప్పటి నుండీ శ్రీముఖి, వరుణ్, బాబా భాస్కర్, రవి కృష్ణ… వీళ్ళ లోనే విన్నర్ ఉండే అవకాశం ఉందని అంతా భావించారు. సరిగ్గా ఈ స్ట్రాంగ్ కంటెస్టెంట్ లే గతవారం నామినేషన్స్ కు వచ్చారు కాబట్టి ఒకరు తప్పకుండా వెళ్లిపోవాల్సిన పరిస్థితి ఏర్పడింది. ఇక ఈ యాంగిల్ లో చూస్తే టైటిల్ పేవరేట్స్ లో ఇక కేవలం ముగ్గురే మిగిలినట్టు తెలుస్తుంది. వరుణ్, శ్రీముఖి, బాబా భాస్కర్… వీళ్ళ లోనే విన్నర్ ఉండే అవకాశం ఎక్కువ కనిపిస్తుంది. అలీ రైజా రీ ఎంట్రీ ఇచ్చినప్పటికీ ఆయన్ని చివరి వరకూ ‘బిగ్ బాస్’ హౌస్ లో ఉంచుతాడని చెప్పలేం…! ఒకసారి బయటికి వెళ్ళొచ్చిన వారిని ఓట్లు పడినప్పటికీ హౌస్ లో ఉంచే అవకాశాలు చాలా తక్కువ. ‘బిగ్ బాస్ సీజన్2’ లో కూడా ఎలిమినేట్ అయ్యి హౌస్ లోకి రీ ఎంట్రీ ఇచ్చిన నూతన్ నాయుడు, శ్యామలని కూడా ఎక్కువ ఓట్లు పడినప్పటికీ ఎలిమినేట్ చేశాడు బిగ్ బాస్. మరి చివరికి ఏం జరుగుతుందో చూడాలి.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్ లీడర్ సినిమా రివ్యూ కోసం ఇక్కడ క్లిక్ చెయ్యండి
