యంగ్ టైగర్ ఎన్టీఆర్ ను వెండితెరపై చూసి చాలా కాలం అవుతుంది. 2018లో విడుదలైన ‘అరవింద సమేత’ సినిమా తరువాత ఇప్పటివరకు ఎన్టీఆర్ స్క్రీన్ పై కనిపించలేదు. ఆయన నెక్స్ట్ సినిమా ‘ఆర్ఆర్ఆర్’ అక్టోబర్ 13న విడుదల కానుంది. అయితే ఈలోగా ఎన్టీఆర్ ను బుల్లితెరపై చూడొచ్చు. ‘మీలో ఎవరు కోటీశ్వరులు’ షోకి ఎన్టీఆర్ హోస్ట్ గా వ్యవహరించనున్న సంగతి తెలిసిందే. ఈ షోని ఆగస్టు 15 నుండి టెలికాస్ట్ చేయనున్నారని సమాచారం.
ఈ షోకి సంబంధించిన ప్రమోషన్స్ ఓ రేంజ్ లో చేస్తున్నారు. పలు రకాల ప్రోమోలను రిలీజ్ చేస్తున్నారు. ఇప్పటివరకు మొత్తం ఐదు ప్రోమోలను డిజైన్ చేశారు. వాటిని కళ్యాణ్ కృష్ణ డైరెక్ట్ చేసినట్లు తెలుస్తోంది. నాగార్జున నటించిన ‘సోగ్గాడే చిన్ని నాయన’ సినిమాతో దర్శకుడిగా ఎంట్రీ ఇచ్చారు కళ్యాణ్ కృష్ణ. ఆ తరువాత ‘రారండోయ్ వేడుక చూద్దాం’ సినిమాను రూపొందించారు. ఇప్పుడు నాగార్జున-నాగచైతన్య హీరోలుగా ‘బంగార్రాజు’ అనే సినిమాను రూపొందించనున్నారు.
ఇప్పుడు ఆయన డైరెక్షన్ లో ‘ఎవరు మీలో కోటీశ్వరులు’ షోకి సంబంధించిన అన్ని ప్రోమోలను డిజైన్ చేశారు. ఆగస్టు 15లోగా ఒకదాని తరువాత మరొక ప్రోమోను విడుదల చేయనున్నారు. ఈ షోలో టాప్ డైరెక్టర్ త్రివిక్రమ్ హ్యాండ్ కూడా ఉంది. కొన్ని ఎపిసోడ్లను ఆయన డైరెక్ట్ చేశారు. మొత్తానికి ఈ టీవీ షో కోసం స్టార్ రేంజ్ డైరెక్టర్లను తీసుకొచ్చి షోపై హైప్ పెంచే ప్రయత్నం చేస్తున్నారు. మరి ఆ రేంజ్ లో ఈ షో క్లిక్ అవుతుందో లేదో చూడాలి!
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home