Mallidi Vasishta: ‘బింబిసార’ ని రవితేజ రిజెక్ట్ చేశాడా.. వైరల్ అవుతున్న డైరెక్టర్ కామెంట్స్..!

July 28, 2022 / 10:00 AM ISTByFilmy Focus

Join Us

Mallidi Vasishta: ‘బింబిసార’ ని రవితేజ రిజెక్ట్ చేశాడా.. వైరల్ అవుతున్న డైరెక్టర్ కామెంట్స్..!

కళ్యాణ్ రామ్ హీరోగా రూపొందిన చారిత్రాత్మక చిత్రం ‘బింబిసార’.అంతేకాదు కళ్యాణ్ రామ్ కెరీర్లో ఇది హై బడ్జెట్ మూవీ కూడా కావడం విశేషం. మల్లిడి వశిష్ట్ అనే నూతన దర్శకుడితో ఇంత పెద్ద చిత్రాన్ని తెరకెక్కించడం అంటే మాటలు కాదు. ఏ నమ్మకంతో కళ్యాణ్ రామ్.. ఇంత పెద్ద నిర్ణయం తీసుకున్నాడు అనే అనుమానం కూడా అందరిలోనూ కలిగింది. కానీ ఒక్కసారి ట్రైలర్ మొదలయ్యాక ఆ అనుమానాలు అన్నీ పటాపంచలు అయిపోయాయి అనే చెప్పాలి.

ఈరోజు రిలీజ్ చేసిన రిలీజ్ ట్రైలర్ కూడా ప్రేక్షకుల్ని అమితంగా ఆకట్టుకుంది. పాటల విషయాన్ని పక్కన పెడితే ఈ రెండు ట్రైలర్లు సినిమాపై మంచి హైప్ ను క్రియేట్ చేశాయి. ‘బింబిసార’ కనుక హిట్ అయితే దర్శకుడు మల్లిడి వశిష్ట్.. కచ్చితంగా స్టార్ డైరెక్టర్ గా నిలబడే అవకాశాలు ఉన్నాయి. ఇదిలా ఉండగా.. కళ్యాణ్ రామ్ కంటే ముందు ఇతను చాలా మంది హీరోలను అప్రోచ్ అయ్యాడు. ప్రతి హీరో ఇతనికి నొ చెప్పింది లేదు.

‘ఒక రెండేళ్లు ఆగు’ అన్నట్టే ఇతనికి సమాధానం చెప్పారట. తాజాగా ఓ ఇంటర్వ్యూలో ఈ సంగతి చెప్పుకొచ్చాడు. రవితేజకి కూడా ఇతను ఓ కథ చెప్పాడట.కానీ రవితేజకి చెప్పింది ‘బింబిసార’ కథ కాదు అన్నట్టు ఇతను కవర్ చేసుకునే ప్రయత్నం చేశాడు. కానీ తర్వాత నా మొదటి సినిమాకి ఇంత బడ్జెట్ ఎవరు పెడతారు

అని రవితేజ నన్ను నమ్మలేదు, కానీ కళ్యాణ్ రామ్ నమ్మారు.. అంటూ అతను బయటపడిపోయాడు. అలాగే తనకు సోసియో ఫాంటసీ సినిమాలపై ఆసక్తి ఎక్కువ అని కూడా వశిష్ట్ తెలిపాడు. ఒక్కొక్కరికీ ఒక్కో జోనర్లో పట్టు ఉంటుంది. నాకు ఇందులో పట్టు ఉంది అంటూ అతను ఈ సందర్భంగా చెప్పుకొచ్చాడు.