స్టార్ హీరో ప్రభాస్ వరుస పాన్ ఇండియా కథలను అంగీకరిస్తోన్న సంగతి తెలిసిందే. ప్రస్తుతం ‘రాధేశ్యామ్’ సినిమాలో నటిస్తోన్న ప్రభాస్ ఆ తరువాత ‘ఆదిపురుష్’, ‘సలార్’ వంటి చిత్రాల్లో నటించనున్నారు. అలానే నాగ్ అశ్విన్ సినిమా కూడా లైన్లో ఉంది. ‘ఆదిపురుష్’, ‘సలార్’ సినిమాలకు సంబంధించిన ఇప్పటికే ఓ షెడ్యూల్ జరిగింది. లాక్ డౌన్ కారణంగా వాయిదా పడిన ఈ సినిమా షూటింగ్ లను తిరిగి మొదలుపెట్టనున్నారు. ప్రశాంత్ నీల్ దర్శకత్వంలో నటిస్తోన్న ‘సలార్’ సినిమాకి సంబంధించిన పోస్టర్స్ ను ఇప్పటికే విడుదల చేయగా..
ప్రేక్షకుల అంచనాలు పెరిగిపోయాయి.పైగా ‘కేజీఎఫ్’ లాంటి సినిమా తరువాత ప్రశాంత్ నీల్ చేపట్టిక ప్రాజెక్ట్ కావడంతో అభిమానులు ఈ సినిమా కోసం ఆసక్తిగా ఎదురుచూస్తున్నారు. ఈ సినిమాలో మెయిన్ హీరోయిన్ గా శృతిహాసన్ ను ఎంపిక చేసుకున్న సంగతి తెలిసిందే. అయితే ఇందులో మరో హీరోయిన్ కి కూడా చోటుందని సమాచారం. కథ ప్రకారం సినిమాలో సెకండ్ హీరోయిన్ పాత్ర కీలకంగా ఉంటుందట. దీనికోసం బాలీవుడ్ హీరోయిన్ ను రంగంలోకి దించారు.
‘వార్’,బేఫిక్రే’ వంటి సినిమాల్లో నటించిన వాణీ కపూర్ ను ‘సలార్’లో సెకండ్ హీరోయిన్ గా అనుకుంటున్నారు. ప్రస్తుతం ఈ బ్యూటీ బాలీవడ్ లో మూడు సినిమాల్లో నటిస్తోంది. అవన్నీ దాదాపు షూటింగ్ పూర్తి చేసుకున్నాయి. ఈ క్రమంలో ప్రభాస్ లాంటి స్టార్ హీరో సినిమాలో ఛాన్స్ కొట్టేసింది. ఈ సినిమాతో ఆమె రేంజ్ పెరుగుతుందేమో చూడాలి!
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
