Akhanda 2: అఖండ2 సినిమాలో ఆ బాలీవుడ్ బ్యూటీకి ఛాన్స్ దక్కనుందా?

బాలయ్య (Balakrishna)  బోయపాటి శ్రీను (Boyapati Srinu)  కాంబినేషన్ లో తెరకెక్కిన సినిమాలన్నీ సంచలన విజయాలను సొంతం చేసుకోగా ఈ కాంబినేషన్ లో తెరకెక్కనున్న అఖండ2 సినిమాపై అంచనాలు అంతకంతకూ పెరుగుతున్నాయి. అఖండ (Akhanda) సీక్వెల్ లో కత్రినా కైఫ్ (Katrina Kaif) నటించనున్నారని ఒక వార్త ఇండస్ట్రీ వర్గాల్లో వినిపిస్తోంది. ఈ సినిమాలో విలన్ గా సంజయ్ దత్ (Sanjay Dutt) కనిపించే అవకాశాలు అయితే ఉన్నాయని తెలుస్తోంది. బాలయ్య, కత్రినా కైఫ్ కాంబినేషన్ లో ఇప్పటికే అల్లరి పిడుగు (Allari Pidugu) సినిమా తెరకెక్కింది.

Akhanda

2005 సంవత్సరంలో ఈ సినిమా విడుదల కాగా ఈ సినిమా అప్పట్లో ఫ్లాప్ గా నిలిచింది. జయంత్ సి పరాన్జీ (Allari Pidugu) డైరెక్షన్ లో ఈ సినిమా తెరకెక్కగా ఈ సినిమా దర్శకునికి కూడా మైనస్ అయింది. అయితే దాదాపుగా 20 సంవత్సరాల తర్వాత బాలయ్య కత్రినా కైఫ్ కాంబో రిపీట్ కానుందనే వార్తలపై భిన్నాభిప్రాయాలు వ్యక్తమవుతున్నాయి. ఈ సినిమాలో కత్రినా కైఫ్ నటిస్తున్నట్టు అధికారికంగా క్లారిటీ రావాల్సి ఉంది.

అఖండ2 సినిమాను బోయపాటి శ్రీను భారీ రేంజ్ లోనే ప్లాన్ చేస్తున్నారని తెలుస్తోంది. ఈ ఏడాది చివర్లో ఈ సినిమా సెట్స్ పైకి వెళ్లే అవకాశాలు ఉన్నాయి. బాబీ (Bobby) సినిమా షూట్ పూర్తైన వెంటనే బాలయ్య ఈ సినిమాపై దృష్టి పెట్టనున్నారు. అఖండ2 సినిమా 14 రీల్స్ ఎంటర్టైన్మెంట్స్ బ్యానర్ పై తెరకెక్కనుంది. అఖండ2 2026 సంవత్సరంలో థియేటర్లలో విడుదలయ్యే అవకాశాలు అయితే ఉన్నాయి.

అఖండ2 సినిమా కథ ఇదేనంటూ దైవత్వానికి సంబంధించిన కథాంశంతో ఈ సినిమా తెరకెక్కుతోందంటూ వార్తలు వినిపిస్తున్నాయి. అఖండ2 సినిమా పాన్ ఇండియా మూవీగా తెరకెక్కుతోందని ఇతర భాషల్లో సైతం ఈ సినిమా విడుదల కానుందని సమాచారం అందుతోంది. అఖండ2 సినిమా టాలీవుడ్ రేంజ్ ను పెంచే మూవీ అవుతుందని ఫ్యాన్స్ ఫీలవుతున్నారు.

 రామ్‌ చెప్పింది ఎవరి కోసం.. దేని కోసం.. ఎందుకలా అన్నాడు?