అనిల్ రావిపూడి డైరెక్షన్లో తన 26 వ చిత్రాన్ని చేయడానికి రెడీ అవుతున్నాడు మహేష్ బాబు. ఈ చిత్రాన్ని అనిల్ సుంకర, దిల్ రాజు కలిసి నిర్మిస్తున్నారు. దేవి శ్రీ ప్రసాద్ ను సంగీత దర్శకుడిగా తీసుకున్నారట. ఇక ఈ చిత్రంలో సీనియర్ హీరోయిన్ విజయశాంతి కూడా ఓ ప్రత్యక పాటలో కనిపించబోతుందని టాక్ నడుస్తుంది. ఇప్పటికే రష్మిక ని హీరోయిన్ గా ఫైనల్ చేశారట… అయితే కథ ప్రకారం మరో హీరోయిన్ కి కూడా స్కోప్ ఉండడంతో ముందు సాయి పల్లవి ని సంప్రదించగా ఆమె రిజెక్ట్ చేసిందట.. ఇప్పుడు ఆ ప్లేస్లో ఓ బాలీవుడ్ నటిని తీసుకోబోతున్నట్టు తాజా సమాచారం.
ఆ బాలీవుడ్ నటి మరెవరో కాదు… సోనాక్షి సిన్హా. త్వరలోనే మహేష్… సోనాక్షి సిన్హా రొమాన్స్ చేయడానికి రెడీ అవుతున్నాడని అప్పుడే ఫిలింనగర్లో గుసగుసలు మొదలైపోయాయి. ఈ దిశగా ప్రయత్నాలు కూడా మొదలయ్యాయని తెలుస్తుంది. మరి సోనాక్షి ఈ ఆఫర్ కి ఒప్పుకుంటుందో లేదో చూడాలి. గతంలో కూడా క్రిష్ డైరెక్షన్లో మహేష్ – సోనాక్షి హీరో హీరోన్లుగా .. కీరవాణి ని సంగీత దర్శకుడిగా పెట్టి ‘శివమ్’ అనే చిత్రాన్ని రూపొందించాలని ప్రయత్నాలు జరిగాయి. తెలుగులో మహేష్ తో నటించబోతున్నానని అప్పట్లో సోనాక్షి సిన్హా కూడా చెప్పేసింది. అయితే వరుస కమిట్మెంట్లతో మహేష్ బిజీగా ఉండడం వలన … ఆ ప్రాజెక్ట్ డిలే అవుతుందని… క్రిష్ అదే కథని ‘కంచె’ గా వరుణ్ తేజ్ తో తీసేసి హిట్టందుకున్నాడు. సో అప్పుడు సోనాక్షి కి ఆ ఛాన్స్ మిస్సయ్యింది. ఇప్పుడు మళ్ళీ మహేష్ సరసన అవకాశం వస్తే వదులుకుంటుందా… అనేది తెలియాల్సి ఉంది.
Home