Nandamuri Mokshagna: తొలి సినిమాతోనే మోక్షజ్ఞ పాన్ ఇండియా హిట్ అందుకుంటారా?

నందమూరి మోక్షజ్ఞ (Nandamuri Mokshagna) ఫస్ట్ మూవీ విషయంలో బాలయ్య  (Balakrishna)   ఎన్నో జాగ్రత్తలు తీసుకుంటున్న సంగతి తెలిసిందే. ఎంతోమంది డైరెక్టర్ల పేర్లను పరిశీలించిన బాలయ్య చివరకు మోక్షజ్ఞ ఫస్ట్ మూవీకి ప్రశాంత్ వర్మను (Prasanth Varma)  డైరెక్టర్ గా ఎంపిక చేశారు. ఈ సినిమాపై అంచనాలు అంతకంతకూ పెరుగుతుండగా ఈ సినిమాలో మోక్షజ్ఞకు గురువుగా బాలీవుడ్ సీనియర్ హీరో నటించనున్నారని ఇండస్ట్రీ వర్గాల్లో వినిపిస్తోంది. ఆ సీనియర్ హీరో పేరు వెల్లడి కాకపోయినా ఆ నటుడు అమితాబ్ (Amitabh Bachchan) అయ్యే అవకాశాలు ఉన్నాయని కామెంట్లు వినిపిస్తున్నాయి.

Nandamuri Mokshagna

గతంలో బాలయ్య కృష్ణవంశీ (Krishna Vamsi)  కాంబోలో ఒక సినిమా సెట్స్ పైకి వెళ్లాల్సి ఉండగా ఆ సినిమాకు అమితాబ్ నో చెప్పడం వల్ల ఆ సినిమా ఆగిపోయింది. బాలయ్యకు నో చెప్పిన అమితాబ్ బాలయ్య కొడుకు సినిమాకు ఓకే చెబుతారో లేదో చూడాల్సి ఉంది. ఫస్ట్ సినిమాతోనే మోక్షజ్ఞ సినిమా పాన్ ఇండియా స్థాయిలో విడుదల కానుండగా ఈ సినిమా ఎలాంటి ఫలితాన్ని సొంతం చేసుకుంటుందో చూడాల్సి ఉంది.

నందమూరి హీరో కాకపోయినా జూనియర్ ఎన్టీఆర్ (Jr NTR) సపోర్ట్, ఎన్టీఆర్ ఫ్యాన్స్ సపోర్ట్ వల్ల నార్నె నితిన్ (Narne Nithin)  ప్రముఖ బ్యానర్లలో సినిమాల్లో నటిస్తూ విజయాలను సొంతం చేసుకుంటూ ఉండటం గమనార్హం. మోక్షజ్ఞ సైతం సరైన కథలను ఎంచుకుంటే భారీ బ్లాక్ బస్టర్ హిట్లను సొంతం చేసుకోవడం పక్కా అని చెప్పవచ్చు.

బాలయ్య, మోక్షజ్ఞ కలిసి నటిస్తే మాత్రం ఆ సినిమా సంచలనం అవుతుందని చెప్పడంలో సందేహం అక్కర్లేదు. నందమూరి మోక్షజ్ఞ వేగంగా సినిమాల్లో నటించి బాక్సాఫీస్ వద్ద బ్లాక్ బస్టర్ హిట్లను అందుకోవాలని ఫ్యాన్స్ నుంచి అభిప్రాయాలు వ్యక్తమవుతున్నాయి. తొలి సినిమాతోనే మోక్షజ్ఞ పాన్ ఇండియా హిట్ అందుకుంటారని ఫ్యాన్స్ ఫీలవుతున్నారు.

ఆయన ‘ప్రభాస్‌’ పాత్రను అన్నాడు.. నెటిజన్లు ఉతికి ఆరేస్తున్నారు!