పాన్-ఇండియన్ స్టార్ ప్రభాస్ మోస్ట్ అవైటెడ్ మూవీ ‘స్పిరిట్’ ఇటీవల సెట్స్ పైకి వెళ్ళింది. పూజా కార్యక్రమాలతో ఘనంగా ఈ సినిమా ప్రారంభమైంది. మెగాస్టార్ చిరంజీవి ‘స్పిరిట్’ ఓపెనింగ్ వచ్చి టీంని బ్లెస్ చేసిన సంగతి తెలిసిందే. ఇక ప్రభాస్ కూడా ‘స్పిరిట్’ సెట్స్ లో జాయిన్ అయ్యాడు. ఈ సినిమా కోసం ప్రభాస్ 60 రోజులు బల్క్ డేట్స్ ఇచ్చాడు. ఈ ప్రాజెక్టు కంప్లీట్ అయ్యే వరకు ప్రభాస్ వేరే సినిమా షూటింగ్లో పాల్గొనే అవకాశం లేదు.
ప్రభాస్ లుక్ విషయంలో దర్శకుడు సందీప్ రెడ్డి వంగా చాలా గోప్యత వహిస్తున్నట్టు వినికిడి. ప్రభాస్ కి జోడీగా ఈ సినిమాలో త్రిప్తి దిమ్రి హీరోయిన్‌గా నటిస్తోంది. వివేక్ ఒబెరాయ్, ప్రకాష్ రాజ్ వంటి స్టార్స్ కూడా కీలక పాత్రలు పోషిస్తున్నారు.లేటెస్ట్ టాక్ ప్రకారం, ‘స్పిరిట్’ లో బాలీవుడ్ సీనియర్ స్టార్ హీరోయిన్ కాజోల్ కూడా ఒక ముఖ్య పాత్రకి ఎంపికైందట.
కాజోల్ ‘స్పిరిట్’ లో నటించేందుకు గ్రీన్ సిగ్నల్ ఇచ్చేసినట్టు కూడా అక్కడి మీడియా కథనాలు పుట్టించింది. సాధారణంగా ఆమె ఈ మధ్య ప్రతి ఆఫర్ ను ఓకే చేయడం లేదు. బాగా నచ్చితే తప్ప ఎంత పారితోషికం ఆఫర్ చేసినా ఆమె ఏ ప్రాజెక్టుకి ఎస్ చెప్పడం లేదు. అలాంటిది ‘స్పిరిట్’ సినిమాలో నటించడానికి ఆమె ఒప్పుకుంది అంటే కచ్చితంగా ఆమెది పవర్ఫుల్ రోల్ అని అర్ధం చేసుకోవచ్చు.
దర్శకుడు సందీప్ రెడ్డి వంగా కూడా క్యాస్టింగ్ విషయంలో చాలా కేర్ తీసుకుంటాడు. అవసరం లేకపోతే స్టార్స్ ని తీసుకొచ్చి తన సినిమాలో పెట్టుకోడు. అయితే కాజల్ విషయంలో అధికారిక ప్రకటన ఇంకా రాలేదు. రావాల్సి ఉంది.
