కొరటాల, పోసానిలకు పంచ్ ఇవ్వనున్న బోయపాటి శ్రీను

మాస్ చిత్రాల డైరక్టర్ బోయపాటి శ్రీనుపై ఈ మధ్య అనేక విమర్శలు వచ్చాయి. సింహ సినిమా కథ, మాటలు తనవని, బోయపాటి క్రెడిట్ ఇవ్వలేదని మీడియా ముఖంగా హిట్ డైరక్టర్ కొరటాల శివ చెప్పారు. ఈ విషయంపై బోయపాటి ఏమి స్పందించలేదు.  రీసెంట్ గా ప్రముఖ రచయిత, నటుడు పోసాని కృష్ణ మురళి ఓ ఛానల్ ఇంటర్వ్యూ లో బోయపాటి శ్రీనుపై ఆగ్రహం వ్యక్తం చేశారు. “బోయపాటిని నేను సినీ పరిశ్రమకు పరిచయం చేసాను, అతను కష్టాల్లో ఉన్నప్పుడు సాయం చేసాను.. అలాంటి వాడు నన్నే ఎగతాళి చేసాడు” అంటూ ఫైర్ అయ్యారు. దీనిపై కూడా ఆ డైరక్టర్ ఏమి మాట్లాడలేదు.

అయితే తనపై వచ్చిన విమర్శలకు సరైన సమయంలో, సరైన వేదికపై సమాధానం చెప్పాలని బోయపాటి శ్రీను భావిస్తున్నట్లు తెలిసింది. ఆయన దర్శకత్వం వహించిన లెజెండ్ 1000 రోజుల పండుగ త్వరలో జరగబోతుంది. ఈ వేడుకలో కొరటాల, పోసానిలకు ఆయన పంచ్ ఇవ్వనున్నట్లు సమాచారం. సినిమాల్లో ప్రత్యర్థులపై అదిరిపోయే డైలాగులు పేల్చే బోయపాటి, తనపై వచ్చిన విమర్శలకు ఎలాంటి మాటలు రాసుకున్నారోనని అందరూ ఎదురుచూస్తున్నారు.