స్టార్ హీరో బాలకృష్ణ నటిస్తున్న సినిమాలలో ఒక సినిమా హిట్టవుతుంటే తరువాత సినిమాలు ఫ్లాపవుతున్నాయి. వరుసగా సక్సెస్ లు సాధించకపోవడంతో ఆ ప్రభావం బాలయ్య మార్కెట్ పై పడుతోంది. ఈ మధ్య కాలంలో భారీ బ్లాక్ బస్టర్ హిట్ సాధించని బాలకృష్ణ అఖండ సినిమాతో రికార్డు స్థాయి కలెక్షన్లను సాధిస్తారని బాలయ్య ఫ్యాన్స్ భావిస్తున్నారు. మే 28వ తేదీన అఖండ మూవీ రిలీజ్ కావాల్సి ఉన్నా కరోనా సెకండ్ వేవ్ వల్ల ఈ సినిమా షూటింగ్, రిలీజ్ కు బ్రేకులు పడ్డాయి.
అయితే తాజాగా తిరుమల శ్రీవారిని దర్శించుకున్న బోయపాటి శ్రీను మీడియాతో మాట్లాడుతూ కడపలో అఖండ షూటింగ్ కోసం లొకేషన్స్ వెతుకుతున్నట్టు చెప్పారు. హైదరాబాద్ లో భారీ వర్షాలు కురుస్తుండటంతో కడపలో లొకేషన్ల కోసం వెతుకుతున్నామని బోయపాటి శ్రీను వెల్లడించారు. కరోనా థర్డ్ వేవ్ వ్యాప్తిని బట్టి అఖండ సినిమా రిలీజ్ డేట్ విషయంలో నిర్ణయం తీసుకుంటామని బోయపాటి శ్రీను పేర్కొన్నారు. కొన్ని రోజుల క్రితం అఖండ మూవీ వినాయకచవితి పండుగ సందర్భంగా సెప్టెంబర్ 10వ తేదీన రిలీజ్ కానుందని వార్తలు వచ్చాయి.
అయితే బోయపాటి శ్రీను సినిమా విడుదల తేదీని ఇంకా నిర్ణయించలేదని చెప్పడంతో ఆ వార్త నిజం కాదని తెలుస్తోంది. అఖండ మూవీ ఎప్పుడు విడుదలైనా బాలయ్య కెరీర్ లో మరపురాని చిత్రంగా మిగులుతుందని ఫ్యాన్స్ అభిప్రాయపడుతున్నారు. ఈ సినిమాలో బాలకృష్ణ డ్యూయల్ రోల్ చేస్తున్నారని తెలుస్తోంది. ఈ సినిమాలో బాలయ్యకు జోడీగా ప్రగ్య జైస్వాల్ నటిస్తున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
