Brahmāstra: ఈ భారీ బడ్జెట్ సినిమాలోని సీన్లు కాపీనా?

రణ్‌బీర్ కపూర్, అలియాభట్ జంటగా అయాన్ ముఖర్జీ డైరెక్షన్ లో తెరకెక్కిన బ్రహ్మాస్త్రం సినిమా ఈ ఏడాది సెప్టెంబర్ 9వ తేదీన రిలీజ్ కానున్న సంగతి తెలిసిందే. రాజమౌళి ఈ సినిమాను సమర్పిస్తుండటంతో జక్కన్న అభిమానులు ఈ సినిమా కోసం ఆసక్తిగా ఎదురుచూస్తున్నారు. ఈ సినిమా ట్రైలర్ కు బాలీవుడ్ ప్రేక్షకుల నుంచి పాజిటివ్ రెస్పాన్స్ రాగా సౌత్ ప్రేక్షకుల నుంచి నెగిటివ్ రెస్పాన్స్ వచ్చిందనే సంగతి తెలిసిందే. ఈ సినిమా ట్రైలర్ లోని గ్రాఫిక్స్ సన్నివేశాలు నాసిరకంగా ఉన్నాయని నెటిజన్ల నుంచి కామెంట్లు వ్యక్తమవుతున్నాయి.

అయితే ట్రైలర్ ను చూసిన ప్రేక్షకులు కొన్ని సీన్లను అక్వామాన్ సినిమా నుంచి కాపీ చేశారని కామెంట్లు చేస్తున్నారు. రెండు పోస్టర్లను పోల్చి చూస్తూ నెటిజన్లు ఈ తరహా కామెంట్లు చేస్తుండటం గమనార్హం. బ్రహ్మాస్త్రం డైరెక్టర్ ఈ కామెంట్ల గురించి ఎలా స్పందిస్తారో చూడాలి. అయితే కొందరు నెటిజన్లు మాత్రం పురాణగాథల్లోని శివుని పాత్ర ఆధారంగా ఈ సినిమా తెరకెక్కుతోందని శివుని ఆయుధం శూలం అని అందువల్ల ఈ సినిమా గురించి కాపీ అని కామెంట్లు చేయడం సరికాదని స్పందిస్తున్నారు.

వరుసగా బాలీవుడ్ భారీ బడ్జెట్ సినిమాలు ప్రేక్షకులను నిరాశపరుస్తున్న నేపథ్యంలో బ్రహ్మాస్త్రం సినిమా అంచనాలను అందుకుంటుందో లేదో చూడాలి. నాగార్జున ఈ సినిమాలో కీలక పాత్రలో నటించిన నేపథ్యంలో నాగ్ అభిమానులు ఈ సినిమా కోసం ఆసక్తిగా ఎదురుచూస్తున్నారు. నాగార్జున ఈ ఏడాది బంగార్రాజు సినిమాతో సక్సెస్ సాధించారు. నాగ్ ప్రస్తుతం ప్రవీణ్ సత్తారు డైరెక్షన్ లో ది ఘోస్ట్ సినిమాలో నటించనుండగా ఈ సినిమాపై కూడా మంచి అంచనాలు ఏర్పడ్డాయి.

నాగార్జున కెరీర్ విషయంలో ఆచితూచి నిర్ణయాలు తీసుకుంటున్నారు. ఒకవైపు రియాలిటీ షోలకు హోస్ట్ గా వ్యవహరిస్తూ మరోవైపు సినిమాలతో నాగార్జున బిజీ అవుతున్నారు. గతంతో పోలిస్తే నాగ్ రెమ్యునరేషన్ భారీగా పెరిగిందని తెలుస్తోంది.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!