‘జగపతిబాబు’కి బంఫర్ ఆఫర్!!!

మ్యాన్లీ స్టార్ జగపతి బాబు సినీ ఇండస్ట్రీ లో తన టైమ్ అయిపోయింది అని అనుకున్నాడు. కానీ బోయపాటి శ్రీను ‘లెజెండ్’ రూపంలో మళ్ళీ జగపతిని జగ్గు భాయ్ గా ప్రేక్షకులకు పరిచయం చేశాడు. అయితే ఇక ఆతరువాత జగపతి బాబుకి మహర్దశ పట్టింది అనే చెప్పుకోవాలి. విషయం లోకి వెళితే….ప్రస్తుతం నేటి స్టార్ హీరోలకు పర్ఫెక్ట్ విలన్ గా దూసుకుపోతున్నాడు మన జగపతి. లెజెండ్ సినిమాలో నట సింహం బాలయ్యకు యాంటీగా నటించి మెప్పించిన మన స్టైలిష్ విలన్ ఆ తరువాత శ్రీమంతుడు లో చాలా లవింగ్ ఫాదర్ క్యారెక్టర్ చేశాడు.

ఇక ఆ తరువాత ఎన్టీఆర్ ‘నాన్నకు ప్రేమతో’ సినిమాలో స్టైలిష్ విలన్ గానే కాకుండా…చాలా ఆటిట్యూడ్, మరియు, తెలివిగల విలన్ గా అందరినీ మెప్పించాడు. ఇదిలా ఉంటే తాజాగా సినీ పరిశ్రమలో వినిపిస్తున్న సమాచారం ప్రకారం….జగపతి బాబు ఇళయదళపతి విజయ్ 60వ సినిమాలో విలన్ గా చేసేందుకు చర్చలు జరుగుతున్నట్లు సమాచారం.

అయితే ఈ పాత్ర చేసేందుకు జగపతికి దాదాపుగా 1.50 కోట్ల రూపాయలు సైతం ఇచ్చేందుకు నిర్మాత సిద్దం అయినట్లు  సమాచారం. టాలీవుడ్ లోనే కాకుండా…కోలీవుడ్ లో కూడా పాగా వేస్తున్న జగ్గు భాయ్, గతంలో మన తలైవార్ నటించిన లింగా సినిమాలో విలన్ గా మెరిసాడు. అయితే ఆ సినిమా ఆశించినంతగా బాక్స్ ఆఫీస్ వద్ద ఆడకపోవడంతో జగపతికి పెద్దగా పేరు రాలేదు. ఇక ఈ సారి మాత్రం మన జగపతి పంట పండినట్లే అంటున్నారు కోలీవుడ్ సినీ విశ్లేషకులు. మరి ఈ అవకాశం జగపతి బాబుకి ఎంతవరకూ ఉపయోగపడుతుందో చూడాలి.

https://www.youtube.com/watch?v=cbjAPJ8HtdY