“జ్యోతిలక్ష్మి” చిత్రంతో కథానాయకుడిగా పరిచయమైన సత్యదేవ్ అనంతరం కొన్ని సినిమాల్లో క్యారెక్టర్ ఆర్టిస్ట్ గా, ఇంకొన్ని సినిమాల్లో ప్రతినాయకుడిగా తనదైన స్థాయి నటనతో ఆకట్టుకున్నాడు. మళ్ళీ చాన్నాళ్ల తర్వాత “బ్లఫ్ మాస్టర్” అంటూ ప్రేక్షకుల ముందుకు వస్తున్నాడు సత్యదేవ్. తమిళంలో ఘన విజయం సొంతం చేసుకున్న “సతురంగవేట్టై”కు రీమేక్ గా రూపొందుతున్న ఈ చిత్రం ట్రైలర్ మరియు ప్రోమోస్ విశేషంగా ఆకట్టుకున్నాయి. డిసెంబర్ 28న విడుదలవుతున్న ఈ సినిమాకి సోలో రిలీజ్ దొరికింది. ఈ సినిమాతోపాటుగా విడుదలవుతున్న “యు, సర్వం తాళమయం” చిత్రాలకు ఎలాగూ పెద్దగా క్రేజ్ లేదు. సో, “బ్లఫ్ మాస్టర్” సినిమా ఏమాత్రం బాగున్నా సూపర్ హిట్ అయిపోవడం ఖాయం.
సో, సత్యదేవ్ ఈ అవకాశాన్ని అస్సలు వదులుకోవాలనుకోవడం లేదు.. అందుకే ప్రమోషన్స్ ఇరగ్గొడుతున్నాడు. నందిత శ్వేత కథానాయికగా నటించిన ఈ చిత్రానికి గోపీ గణేష్ దర్శకుడు. మోసాలు చేస్తూ బ్రతికే ఓ తెలివైన యువకుడు జీవితంలో ఎదుర్కొన్న అనుభవాల నేపధ్యంలో తెరకెక్కిన ఈ చిత్రం మాస్ తోపాటు క్లాస్ అప్పీల్ కూడా పుష్కలంగా ఉంది. మరి సత్యదేవ్ ఈ సదవకాశాన్ని వాడుకొని సూపర్ హిట్ కొడతాడో లేదో చూడాలి.
Home