బిజినెస్ ఓకే.. సినిమా ఎలా ఉంటుందో..!

కోలీవుడ్ హీరో సూర్య కి తెలుగులో కూడా మంచి మార్కెట్ ఉన్న సంగతి తెలిసిందే. సూర్య హీరోగా నటిస్తున్న తాజా చిత్రం ‘ఎన్.జి.కే’. సెల్వరాఘవన్ డైరెక్షన్లో తెరకెక్కిన ఈ చిత్రానికి తెలుగులో కూడా మంచి ప్రీ రిలీజ్ బిజినెస్ జరుగుతుందట. ఈచిత్రానికి యూనిట్ సభ్యులు పెద్దగా ప్రమోషన్ చేయకపోయినా ఈ చిత్రానికి మంచి ప్రీ రిలీజ్ బిజినెస్ జరుగుతుందట. మే 31 న ఈ చిత్రం విడుదలవుతున్నప్పటికీ చిత్ర యూనిట్ మాత్రం ఇంకా ప్రమోషన్లు మొదలుపెట్టలేదు. దీనికి కారణమేంటనేది చర్చనీయాంశం అయ్యింది.

• ఎబిసిడి సినిమా రివ్యూ కోసం ఇక్కడ క్లిక్ చెయ్యండి
• మహర్షి సినిమా రివ్యూ కోసం ఇక్కడ క్లిక్ చెయ్యండి
• మహర్షి డైలాగ్స్ కోసం ఇక్కడ క్లిక్ చెయ్యండి
• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి

అందుతున్న సమాచారం ప్రకారం ‘ఎన్.జి.కె’ చిత్రానికి రెండు తెలుగు రాష్ట్రాలు కలిపి 9కోట్ల ప్రీ రిలీజ్ బిజినెస్ జరిగిందట. అయితే ఇది పెద్ద బిజినెస్ అయితే కాదు. ఇటీవల విడుదలైన సూర్య సినిమాలు పెద్దగా ఆడలేదు. ‘సికిందర్’ సినిమా ఘోరంగా డిజాస్టర్ కావడంతో సూర్య మార్కెట్ కాస్త డౌన్ అయ్యింది. ఆ చిత్రాన్ని దాదాపు 20 కోట్ల వరకూ పెట్టి కొనుగోలు చేశారు. కానీ అందులో సగం కూడా ఆ చిత్రం కలెక్ట్ చేయలేదు. ఇక్కడ నుండీ సూర్య మార్కెట్ బాగా డౌన్ అవుతూ వచ్చింది. అయితే గతేడాది సూర్య నటించిన ‘గ్యాంగ్’ చిత్రానికి 8 కోట్లు ప్రీ రిలీజ్ బిజినెస్ జరిగింది. ఆ చిత్రానికి మంచి టాక్ రాకపోయినప్పటికీ తెలుగులో మాత్రం బ్రేక్ ఈవెన్ సాధించింది. ఇక ‘ఎన్.జి.కె’ చిత్రంలో సాయి పల్లవి, రకుల్ ప్రీత్ వంటి క్రేజీ హీరోయిన్లు నటిస్తుండడంతో మంచి బిజినెస్ జరిగింది. మరి ఈ చిత్రం ఎటువంటి ఫలితాన్నిస్తుందో చూడాలి..!