కన్నడ సినీ ఇండస్ట్రీలో కూడా కలకలం సృష్టిస్తున్న డ్రగ్స్ కేసులు..!

September 4, 2020 / 04:45 PM ISTByFilmy Focus

Join Us

కన్నడ సినీ ఇండస్ట్రీలో కూడా కలకలం సృష్టిస్తున్న డ్రగ్స్ కేసులు..!

బాలీవుడ్ యువ నటుడు సుశాంత్ సింగ్ రాజ్‌పుత్ కేసు కొత్త కొత్త మలుపులు తిరుగుతున్న సంగతి తెలిసిందే. ముఖ్యంగా సుశాంత్ కేసు వల్ల … బాలీవుడ్‌ స్టార్స్ పై డ్రగ్స్ ఆరోపణలు వస్తుండడం కూడా మనం చూస్తూనే వచ్చాము. ఇప్పుడు అది సౌత్ కు కూడా పాకినట్టు స్పష్టమవుతుంది. ముఖ్యంగా శాండల్ వుడ్ (కన్నడ ఇండస్ట్రీ) లో డ్రగ్స్ కేసుల రచ్చ మొదలైంది.ప్రముఖ దర్శకుడు ఇంద్రజిత్ లోకేష్ అలాగే నటి రాగిణి ద్వివేదికి పోలీసులు నోటీసులు జారీ చెయ్యడం సంచలనంగా మారింది. అంతేకాదు డ్రగ్స్ కేసులో ‘బుజ్జిగాడు’ హీరోయిన్ సంజన గాల్రానీ పేరు కూడా ఉండడంతో మరింత చర్చనీయాంశం అయ్యిందనే చెప్పాలి.

సినిమా ఇండస్ట్రీలో సెలబ్రిటీలు డ్రగ్స్ ఎక్కువగా వాడతారు అని తెలుసుకున్న ఎన్.సి.బి (నార్కోటిక్ కంట్రోల్ బ్యూరో) ఈ విషయాన్ని చాలా సీరియస్ గా తీసుకుంది. ఈ నేపథ్యంలోనే నటి రాగిణికి నోటీసులు పంపినా ఆమె విచారణకు హాజరుకాలేదట.రెండోసారి నోటీసులు పంపినా సరే.. ఆమె నుండీ రెస్పాన్స్ లేదని తెలుస్తుంది.ఇక హీరోయిన్ సంజనా గల్రానీ అసిస్టెంట్ అయిన రాహుల్‌‌ను బెంగళూరు సెంట్రల్ క్రైమ్ బ్రాంచ్ పోలీసులు అరెస్ట్ చేసారని నిర్ధారణ అయ్యింది. రాహుల్‌తో పాటు ఈ విషయంలో సంజన ఇన్వాల్వ్మెంట్ కూడా ఉందా అనే విషయం పై విచారణ చేపట్టారు అధికారులు. ఇదిలా ఉండగా.. ఈ విషయం పై సంజన స్పందిస్తూ…’మీడియా వారు డ్రగ్స్ కేసు విషయం పై పదే పదే ఫోన్లు చేసి నన్ను విసిగిస్తున్నారు.

అందుకే నేను ఈ డ్రగ్స్ వ్యవహారానికి దూరంగా ఉంటూ వస్తున్నాను. ఇందులోకి నన్ను అనవసరంగా లాగుతున్నారు. రాగిణి తో కలిసి నేను ఒక్క సినిమాలో మాత్రమే నటిస్తున్నాను తప్ప ఆమె నాకు ఎక్కువ క్లోజ్ కాదు’ అంటూ చెప్పుకొచ్చింది. ఇక కన్నడ ఇండస్ట్రీలో ఉన్న డ్రగ్స్ మాఫియాకి… బాలీవుడ్ తో సంబంధం ఉంది అనే ఆరోపణలను కూడా వ్యక్తం చేస్తున్నాడు ప్రశాంత్‌ సంబరగి. ‘ఇంతియాజ్‌ ఖాత్రి అనే వ్యక్తి బాలీవుడ్ సెలబ్రిటీలకు డ్రగ్స్ సప్ప్లై చేస్తాడని. అతని పుట్టినరోజు వేడుకకి బాలీవుడ్ కు చెందిన సినీ ప్రముఖులంతా హాజరువుతుంటారని.. అతన్ని విచారిస్తే అన్ని విషయాలు బయటపడతాయని’ ప్రశాంత్ సంబరగి చెప్పుకొచ్చాడు.