నాగచైతన్య – పరశురామ్‌ సినిమా.. ఏ ముహూర్తాన అనుకున్నారో కానీ.. అప్పటి నుండి ఏదో ఒక అడ్డంకి వస్తూనే ఉంది. సినిమా ఇదిగో మొదలైపోతుంది అనుకుంటుండగా.. ఆగిపోతూ వస్తోంది. తాజాగా మరోసారి ఈ సినిమా గురించి రూమర్లు వినిపిస్తున్నాయి. వీటి ప్రకారం అయితే దర్శకుడు పరశురమ్‌ ఈ సినిమా కోసం మరికొన్నాళ్లు స్టోరీ బోర్డు మీద కూర్చోవాలి. ఎందుకంటే సినిమా కథ విషయంలో నాగచైతన్య మార్పులు కాదు, ఏకంగా కథనే మార్చమన్నాడు అని అంటున్నారు.
‘సర్కారు వారి పాట’ సినిమా కంటే ముందు నాగచైతన్యతో పరశురామ్‌ ఓ సినిమా చేయాలి. ఈ సినిమాకు ‘నాగేశ్వరరావు’ అనే పేరు కూడా ఫిక్స్‌ చేశారు. ఇక అంతా ఓకే అనుకుని, త్వరలో ప్రారంభం అనుకోగా.. ఇంతలో మహేష్ బాబు నుండి పిలుపు రావడంతో పరశురామ్‌ అటు వెళ్లిపోయారు. దీంతో ‘నాగేశ్వరరావు’ ఆగిపోయింది. ‘సర్కారు వారి పాట’ అయిపోగానే మొదలుపెట్టేద్దాం అనే డీల్‌ కూడా అనుకున్నారని టాక్‌. కానీ అది కూడా ఇప్పుడు అవ్వడం లేదు.
‘సర్కారు వారి పాట’ ఫలితం విషయంలో పరశురామ్‌ ఎంతమేర సంతృప్తి కలిగిందో తెలియదు కానీ.. ‘నాగేశ్వరరావు’ విషయంలో నాగచైతన్య అయితే అంత హ్యాపీగా లేడని టాక్‌. అందుకే ఈ సినిమాను కాస్త పక్కనపెట్టి వెంకట్‌ ప్రభు సినిమాను ఓకే చేసేశారు. ఇప్పుడు ఆ సినిమా షూటింగ్‌ కూడా సాగుతోంది. ఆ తర్వాత అయినా పరశురామ్‌ సినిమా ఉంటుందా? అంటే.. అంత ఈజీగా తేలుతుంది అని చెప్పలేకపోతున్నారు. కారణం కథలో మార్పులు కోరడమే అని చెబుతున్నారు.
‘నాగేశ్వరరావు’ కథ కాస్త క్లాసీగా ఉందని, అలా కాకుండా మాస్ అంశాలు ఉంటే బాగుంటుందని నాగచైతన్య నుండి సజెషన్స్‌ వచ్చాయి అని చెబుతున్నారు. క్లాస్‌ కథ కొంతవరకు ‘గీత గోవిందం’లా ఉందనే అభిప్రాయాలు రావడమే దీనికి కారణం అని చెబుతున్నారు. దీంతో పూర్తిగా కొత్త కథ సిద్ధం చేస్తే బాగుంటుందని చైతు సూచించారట. వెంకట్‌ ప్రభు సినిమా పూర్తయ్యేలోపు కథను సిద్ధం చేస్తే స్టార్ట్‌ చేద్దామని నాగచైతన్య అన్నారని టాక్‌ నడుస్తోంది. అప్పుడు కూడా ఈ సినిమాకు అదే పేరు ఉంటుందా అనేది తెలియాల్సి ఉంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
