ఒక అరడజను ప్లాపుల తర్వాత ఎట్టకేలకు.. ‘చిత్రలహరి’ తో బ్లాక్ బస్టర్ అందుకున్నాడు సాయి తేజ్. ఈ చిత్రం పెద్ద బ్లాక్ బస్టర్ అయితే కాలేదు కానీ.. ప్లాపులతో డీలా పడిపోయిన తేజుకి ఓ డీసెంట్ హిట్ ఇచ్చి పెద్ద రిలీఫ్ ఇచ్చింది. అంతేకాదు ఈ చిత్రంలో సాయి తేజ్ నటనకు ప్రశంసలు కూడా దక్కాయి. సక్సెస్ కోసం పరితపించి.. డిజప్పాయింట్ కు గురయ్యే కుర్రాడిగా.. తేజు నటన మెప్పించింది అనే చెప్పాలి. ఇక ఈ చిత్రం తర్వాత కచ్చితంగా ఓ కమర్షియల్ హిట్ అందుకోవాలని.. మారుతీ డైరెక్షన్లో ‘ప్రతీరోజు పండగే’ చేసాడు.
ఇక ఇప్పటికే విడుదలైన టీజర్, ట్రైలర్ మరియు పాటలకి మంచి రెస్పాన్స్ వచ్చింది. డిసెంబర్ 20న ఈ చిత్రం విడుదల కాబోతుంది. ఇక ప్రమోషన్లలో భాగంగా ఈ చిత్రం ప్రీ రిలీజ్ ఈవెంట్ ను డిసెంబర్ 15న హైదరాబాద్ మాదాపూర్ లోని.. ఐటీసీ కోహినూర్ వేదికగా సాయంత్రం 6గంటలకు నిర్వహించబోతున్నారు. ఇక ఈ ఈవెంట్ కు ముఖ్య అతిధిగా ఎవరొస్తారు అనే చర్చ కూడా జరుగుతుంది. ప్రభాస్ లేదా అల్లు అర్జున్ లలో ఒకరు ఈ వేడుకకు హాజరయ్యే అవకాశం ఉందని టాక్ నడుస్తుంది. మరి ఈ ప్రచారంలో ఎంతవరకూ నిజముందో తెలియాల్సి ఉంది.
వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!
