మెగాస్టార్‌ రీఎంట్రీ ఇచ్చినప్పటి నుండి సరైన విజయం కోసం ఎదురుచూస్తున్నారు. అదేంటి ‘ఖైదీ నెం. 150’, ‘సైరా’, ‘గాడ్‌ఫాదర్‌’.. విజయాలు కావా? అనే ప్రశ్న వేద్దామని రెడీ అవుతున్నారా? అయితే ఆగండి.. ఇప్పుడు ‘వాల్తేరు వీరయ్య’ అందుకున్న విజయంతో పోలిస్తే ఆ విజయాలు ఎంత పెద్దవో మీకే తెలుస్తుంది. ఆ లెక్కన ‘వాల్తేరు వీరయ్య’ విజయం చిరుకి, అతని ఫ్యాన్స్‌కి బాగా ఆనందాన్నిచ్చింది అని చెప్పొచ్చు. అలాంటి విజయానికి కారకుల్లో మెయిన్‌ వ్యక్తి దర్శకుడు బాబీ కొల్లి.
‘వాల్తేరు వీరయ్య’ సినిమా అలా సిద్ధం కావడానికి అతనిలోని మెగా ఫ్యానిజం ఎంతో కీలకం అని చెప్పొచ్చు. అందుకేనేమో బాబీ చెప్పిన మరో కథను చిరంజీవి ఇట్టే ఓకే చేశారు అని చెబుతున్నారు. అదేంటి.. ఇదెప్పుడు జరిగింది, అనౌన్స్మెంట్ అవ్వలేదు కదా అంటారా? అవును అవేవీ కాలేదు కానీ.. బాబీ కొత్త కథను చిరు ఓకే చేయడం అయితే జరిగిపోయిందట. త్వరలోనే అఫీషియల్‌ అనౌన్స్మెంట్ ఉంటుంది అని చెబుతున్నారు. అయితే హీరో ఎవరు అనేది తెలియడం లేదు.
చిరంజీవి ఓకే చేసిన కథ అన్నాం కదా అని అందులో చిరంజీవి నటిస్తారు అని చెప్పలేం. ఎందుకంటే మెగా ఫ్యామిలీలో చాలా మంది హీరోల కథలను చిరంజీవి వింటుంటారు. ఆ క్రమంలో ఓ మెగా హీరో కోసం చేసిన కథను బాబీ ఇటీవల చిరంజీవికి వినిపించాట. కాన్సెప్ట్‌ నచ్చడంతో పచ్చ జెండా ఊపి.. పూర్తి కథ సిద్ధం చేసుకోమని చెప్పారట. అంతా అనుకున్నట్లుగా జరిగితే ఈ నెలాఖరులో కానీ, వచ్చే నెలలో కానీ బాబీ కొత్త సినిమా అనౌన్స్మెంట్ ఉంటుంది అంటున్నారు.
మైత్రీ మూవీ మేకర్స్‌లోనే ఈ సినిమా ఉండొచ్చు అని సమాచారం. మెగా ఫ్యామిలీలో చిరంజీవి ఓకే చేసిన కథను చేయడానికి అందరూ రెడీగానే ఉంటారు. అయితే ఇప్పుడు కొత్త సినిమాను అనౌన్స్‌ చేసే స్టేజీలో సాయిధరమ్‌తేజ్‌, వైష్ణవ్‌ తేజ్, వరుణ్‌ తేజ్ మాత్రమే ఉన్నారు. మిగిలినవాళ్లు ఎవరి సినిమాల్లో వాళ్లు బిజీ. కాబట్టి ఈ ముగ్గురిలో ఒకరితో బాబీ సినిమా ఉండొచ్చు అంటున్నారు. ఎక్కువ ఛాన్స్‌లు సాయి ధరమ్‌తేజ్‌కి లేదంటే వైష్ణవ్‌ తేజ్‌కి ఉంటాయి అంటున్నారు.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
Home