క్రియేటివ్ డైరెక్టర్ కృష్ణవంశీ ద‌ర్శ‌క‌త్వంలో `రంగ‌మార్తండ` అనే చిత్రం తెరకెక్కుతున్న సంగతి తెలిసిందే.మరాఠీ క్లాసిక్ అయిన ‘నటసామ్రాట్’కి ఇది రీమేక్. ప్ర‌కాష్ రాజ్ ప్రధాన పాత్రని పోషిస్తున్నారు.అలాగే శివాత్మిక, రాహుల్ సిప్లిగంజ్ వంటి వారు కూడా కీలక పాత్రలు పోషిస్తున్నారు. అనసూయ కూడా ఓ ఇంపార్టెంట్ రోల్ ప్లే చేస్తున్నట్టు గతంలో టాక్ నడిచింది కానీ దాని పై చిత్ర బృందం ఎటువంటి క్లారిటీ ఇవ్వలేదు. ఇక ఈ చిత్రం షూటింగ్ చాలా వరకు పూర్త‌య్యింది.
ఈ చిత్రం గురించి ఓ వార్త ఫిలింనగర్లో చక్కర్లు కొడుతోంది. అదేంటంటే… ఈ చిత్రానికి మెగాస్టార్ చిరంజీవి తనవంతు సాయం చేస్తున్నారట. ఈ చిత్రం కథాంశం ప్రకారం… కొన్ని క‌వితాత్మ‌క పంక్తులను చిరు పలుకానున్నారట. సినిమా ప్రారంభమైనప్పుడు అలాగే ఎండింగ్లో మనం చిరు గొంతు వినబోతున్నామని సమాచారం. ప్రముఖ ర‌చ‌యిత ల‌క్ష్మీ భూపాల చిరు పలకబోయే పంక్తులని రాశారట.చిరుతో ఓ సినిమా చేయాలనేది కృష్ణవంశీకి తీరని కోరిక. అయితే చరణ్ తో ఓ సినిమా చేసే అవకాశాన్ని చిరు ఇచ్చారు.
ఇప్పుడు ‘రంగమార్తాండ’ సినిమాకి చిరు వాయిస్ ఓవర్ ఇవ్వడానికి రెడీ అయ్యారు. ఒకవేళ ఈ సినిమా కనుక హిట్ అయితే కృష్ణవంశీతో చిరు సినిమా చేయడానికి అంగీకరిస్తారేమో చూడాలి. ఇక ‘రంగమార్తాండ’ కథ రంగ‌స్థ‌ల నేప‌థ్యంలో సాగుతుందని తెలుస్తుంది. క‌ళాకారుల జీవితాల్ని క‌ళ్ల‌కు క‌ట్టిన‌ట్టు కృష్ణవంశీ ఈ చిత్రంలో చూపించ‌బోతున్నారట.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
Home