చిరు లీక్స్.. అప్పుడప్పుడు చిరంజీవి తన సినిమాల గురించి సమాచారం ఈ పేరుతో ఇస్తూ ఉంటారు. అలా ఆయన ఇచ్చిన సమాచారం ఎప్పుడూ కరెక్ట్గానే ఉంటూ వచ్చింది. అయితే ‘కాకా’ సినిమా గురించి ఆయన ఇచ్చిన లీక్ తప్పైంది.. కావాలనే మిస్ లీడ్ చేసేలాగా చెప్పారు అంటూ గత కొన్ని రోజులుగా సోషల్ మీడియాలో ఓ పోస్ట్ వైరల్ అవుతోంది. అయితే అప్పుడు చిరంజీవి చెప్పిన లీక్ కరెక్టే అని లేటెస్ట్గా తేలింది.
కరెక్ట్ అని తేలడ ఏంటి.. సినిమా పేరు ఏమన్నా మారుస్తున్నారా అనుకోవద్దు. ఎందుకంటే ఇప్పటికే చెప్పిన సినిమా పేరు షార్ట్ ఫామ్ అని చాలా మంది అనుకున్నట్లుగా.. చిరంజీవి నిజమే అని తేల్చేశారు. ‘కాకా’ అంటే.. ‘కదిరి కాళీదాస్’ అని క్లారిటీ ఇచ్చేశారు. ఈ సినిమా శ్రీ సత్యసాయి జిల్లా కదిరి ప్రాంతంలో మొదలై.. తూర్పు గోదావరి జిల్లా రావులపాలెం ప్రాంతానికి వస్తుందని తేలింది. ఎందుకంటే టీజర్లో ఆ రొయ్యల చెరువు రావులపాలెంలో ఉన్నట్లు చూపించారు.
ఇక ఈ సినిమా సంగతి చూస్తే.. ఇందులో కాళీ దాస్ కూతురు అమ్ములుగా అనస్వర రాజన్ నటిస్తోంది. ఆమె కోసమే చిరంజీవి కదిరి వదిలేసి వస్తారు అని అర్థమవుతోంది. అమ్ములు తల్లి పాత్రలో స్నేహ నటిస్తోందని టాక్. త్వరలోనే ఈ విషయంలో క్లారిటీ ఇస్తారట. ‘కాకా’ పాత్రలో చిరంజీవి సాఫ్ట్ లుక్ ఇటీవల మనం టీజర్లో చూశాం. కాళీదాస్గా వైల్డ్ లుక్ ఎలా ఉండబోతోందో ఇటీవల చిరంజీవి ఏషియన్ సినిమాస్ వారి ఇంటికి వచ్చినప్పుడు కనిపించింది.
ఈ సినిమాకు తమన్ సంగీతం అందిస్తుండగా కేవీఎన్ ప్రొడక్షన్స్ నిర్మిస్తోంది. ఈ సినిమాను వచ్చే ఏడాది సంక్రాంతి కానుకగా జనవరి 13న సినిమా విడుదల చేస్తామని టీమ్ ఇప్పటికే చెప్పింది. అయితే ‘విశ్వంభర’ రెడీ అవ్వడంతో.. ఈ సినిమా వాయిదా పడుతుంది అనే మాటలు ఆ మధ్య వినిపించాయి. కానీ అదేం లేదు అని లేటెస్ట్ టాక్.
