అల్లు అర్జున్, బోయపాటి శ్రీను కాంబినేషన్ లో తెరకెక్కుతోన్న చిత్రం ‘సరైనోడు’. ఈ సినిమాను ఏప్రిల్ 22న విడుదల చేయడానికి ప్లాన్ చేస్తున్నారు. అయితే రెండు వారల నుండి ఈ సినిమాలో మార్పులు చేర్పులు చేస్తున్నారు. సెకండ్ హాఫ్ కొంచెం డల్ గా ఉందని కొన్ని సీన్లను మార్చమని అల్లు అరవింద్, బోయపాటికి సూచించారు. దానికి తగ్గట్లుగా బోయపాటి దగ్గరుండి మరీ రీఎడిట్ చేశారు. అయితే ఇప్పుడు కొత్తగా ఈ సినిమా విషయంలో చిరంజీవి జోక్యం చేసుకుంటున్నట్లు తెలుస్తోంది. చిరు కూడా తనకు తోచిన సలహాలు ఇస్తున్నాడట. సినిమాకు సెన్సార్ సభ్యులు ఏ సర్టిఫికేట్ ఇచ్చారు. ఇలా అయితే ఫ్యామిలీ ఆడియన్స్ సినిమాకు దూరమవుతారని ఆలోచించిన చిరు మరలా రీఎడిట్ చేసి సెన్సార్ కి పంపమని సూచించారట. అటు అల్లు అరవింద్, ఇటు చిరంజీవి తన విషయంలో జోక్యం చేసుకోవడం బోయపాటికి అసలు నచ్చట్లేదంట.
