Chiranjeevi: వరల్డ్‌ బిగ్గెస్ట్‌ స్క్రీన్‌.. లేట్‌ అయినా గ్రేటెస్ట్‌గా వస్తున్న చిరంజీవి.. నిజమేనా?

హైదరాబాద్‌కు ప్రపంచంలోనే అతి పెద్ద స్క్రీన్‌ రాబోతోంది అంటూ గత రెండు, మూడు రోజులుగా సోషల్‌ మీడియాలో పెద్ద ఎత్తున చర్చ జరుగుతోంది. ఏషియన్‌ సినిమాస్‌ సంస్థ కార్యాలయంలో ఇటీవల నిర్వహించిన వినాయక చవితి నిమజ్జన వేడుకలకు చిరంజీవి హాజరైనప్పటి నుండి ఈ పుకార్ల షికార్లు మొదలయ్యాయి. చిరంజీవికి, (Chiranjeevi) ఏషియన్‌ సినిమాస్‌ యజమాలనుకు ఎప్పటి నుండో పరిచయం ఉన్నా.. ఇప్పుడు రావడంతో ఏదో కారణం ఉంది అనే చర్చ మొదలైంది.

Chiranjeevi

ఈ క్రమంలో టాలీవుడ్ స్టార్ హీరోలతో కలసి హైదరాబాద్ సహా వివిధ నగరాల్లో మల్టీప్లెక్సులు నిర్మిస్తున్న ఏషియన్ సినిమాస్‌ సంస్థ.. ఇప్పుడు వారు చిరంజీవితో కలసి హైదరాబాద్‌లోని ఫైనాన్షియల్ డిస్ట్రిక్ట్‌లో అతి పెద్ద స్క్రీన్‌తో మల్టీప్లెక్స్‌ నిర్మించనున్నట్లు వార్తలొస్తున్నాయి. దీంతో స్క్రీన్ సైజ్ ఎంత ఉంటుంది అని గూగుల్‌ చేసేస్తున్నారు కొంతమంది గూగుల్‌ బిడ్డలు. ప్రస్తుతం ప్రపంచంలోనే అతి పెద్ద స్క్రీన్ జర్మనీలోని ట్రాంపాలాస్ట్‌ లియోన్‌బర్గ్‌‌లో ఉంది.

ఆ స్క్రీన్ సైజు 127 అడుగుల (39 మీటర్లు) వెడల్పు, 69 అడుగుల (21 మీటర్లు) పొడవు ఉంటుంది. ఆ థియేటర్ విస్తీర్ణం.. 8,770 చదరపు అడుగులు. 574 రిక్లైనర్ సీట్లు ఉంటాయి. ఐమాక్స్ డ్యూయల్ లేజర్ ప్రొజెక్షన్‌ ఉంది. అయితే ఇది ప్రపంచంలో అత్యంత వెడల్పైన స్క్రీన్. పొడవులో అతి పెద్ద స్క్రీన్‌ అమెరికాలో ఉంది. జార్జియాలోని రాయల్ సినిమాస్ స్క్రీన్ ఆ స్క్రీన్ పొడవు 101 అడుగులు. దీని వెడల్పు 76 అడుగులు. ఇందులో 363 రిక్లైనర్ సీట్లున్నాయి.

ఇప్పుడు హైదరాబాద్‌లో ప్రపంచంలోనే అత్యంత పెద్ద స్క్రీన్ తీసుకొస్తున్నారు అంటే వెడల్పు 128 అడుగుల కంటే ఎక్కువగా, పొడవు 102 అడుగులు కంటే ఎక్కువ ఉంటుంది అని చెప్పొచ్చు. ఈ లెక్కన సీటింగ్‌ లెక్క తేలాల్సి ఉంది. అలాగే ఈ భారీ స్క్రీన్ ఐమాక్స్ ఫార్మాట్లోనే ఉండబోతోంది అని చెప్పొచ్చు. మూడేళ్లలో ఈ స్క్రీన్ అందుబాటులోకి వస్తుందని ప్రాథమిక సమాచారం. అయితే దీనిపై రెండు వర్గాల నుండి పక్కా సమాచారం రావాల్సి ఉంది.

మొదటి వారం 64 శాతం రికవరీ సాధించిన ‘మహేంద్రగిరి వారాహి’