మెహర్ రమేష్ ఈ పేరు తలుచుకుంటే నిర్మాతలకే కాదు… ప్రేక్షకులకి కూడా గుండెల్లో రైళ్ళు పరిగెడుతూ ఉంటాయి. ఈయన తీసిన 4 సినిమాల్లో ఒక ‘బిల్లా’ మాత్రమే కాస్త చూడదగ్గ సినిమా. అది కూడా కాపీ, పేస్ట్ … అనుకోండి. అయితే కమర్షియల్ గా మాత్రం ఎన్టీఆర్ ‘కంత్రి’ సక్సెస్ అయ్యింది. అయితే సమ్మర్ కి క్రెడిట్ రావాల్సింది… బై మిస్టేక్… అశ్వినీ దత్, ఎన్టీఆర్ లు మెహర్ కు క్రెడిట్ ఇచ్చేసారు.
‘బిల్లా’ ఎలాగూ పర్వాలేదు అనిపించింది కాబట్టి… వెంటనే ‘శక్తి’ సినిమా చేసే అవకాశం ఇచ్చేసారు ఎన్టీఆర్, అశ్వినీ దత్ లు. అప్పటి వరకూ టాలీవుడ్ లోనే హైయెస్ట్ బడ్జెట్ సినిమా అది. కానీ కట్ చేస్తే అందులో మూడో వంతు కూడా రికవరీ అవ్వలేదు. ఫ్యామిలీ హీరో వెంకటేష్ కూడా మెహర్ బుట్టలో పడిపోయాడు. ఆ ‘షాడో’ పడితేనే వెంకీ ఫ్యాన్స్ ఇప్పటికీ నిద్రపోరు. అలాంటి మెహర్ రమేష్ డైరెక్షన్లో మెగాస్టార్ సినిమా చేస్తాను అని ప్రకటించాడు. అంతే మెగా ఫ్యాన్స్ భయంతో వణికి పోతున్నాడు.
అయితే మెహర్ రమేష్ కు … ఓ రీమేక్ తీసే అవకాశాన్ని చిరు ఇస్తున్నాడని తెలుస్తుంది. నిజానికి తమిళంలో సూపర్ హిట్ అయిన ‘వేదాళం’ అనే చిత్రాన్ని రీమేక్ చెయ్యాలని గతంలో పవన్ కళ్యాణ్ అనుకున్నాడు. కానీ రాజకీయాల వల్ల చెయ్యలేదు. ఇప్పుడు ఆ చిత్రాన్ని చిరు రీమేక్ చెయ్యాలి అని భావిస్తున్నారట. ఎలాగూ రీమేక్ అంటే.. కాపీ, పేస్ట్ మాత్రమే. ఇక చిరు ఎలాగు దర్శకత్వ శాఖలో ఉండి చూసుకుంటారు కాబట్టి… మెహర్ రమేష్ కు ‘వేదాళం’ సినిమాను రీమేక్ చేసే బాధ్యతల్ని అప్పగిస్తున్నారు అని తెలుస్తుంది.
Most Recommended Video
అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు
