‘మెహబూబా’ ‘రొమాంటిక్’ వంటి చిత్రాలతో ప్రామిసింగ్ హీరోగా గుర్తింపు తెచ్చుకున్న ఆకాష్ పూరి త్వరలో ‘చోర్ బజార్’ అనే చిత్రంతో ప్రేక్షకుల ముందుకు రానున్నాడు. గెహన సిప్పీ హీరోయిన్ గా నటిస్తున్న ఈ చిత్రానికి ‘దళం’, ‘జార్జ్ రెడ్డి’ వంటి చిత్రాలతో హిట్లు అందుకున్న జీవన్ రెడ్డి దర్శకుడు. ‘ఐ.వి ప్రొడక్షన్స్’ బ్యానర్ పై వీ.ఎస్ రాజు ఈ చిత్రాన్ని నిర్మించారు. ఈ చిత్రం ట్రైలర్ ఇటీవల విడుదలై సూపర్ రెస్పాన్స్ ను సొంతం చేసుకుంది.
బాలకృష్ణ చేతుల మీదుగా విడుదల కావడంతో ట్రైలర్ అందరినీ ఆకట్టుకుంది.ఓ డైమండ్ చుట్టూ తిరిగే ప్రేమ కథ ఇది. యూట్యూబ్ లో ఈ ట్రైలర్ ట్రెండింగ్లో ఉంది. ఇదిలా ఉండగా.. ఈ చిత్రం పెద్ద నిర్మాతల చేతికి వెళ్లడం ఇప్పుడు హాట్ టాపిక్ అయ్యింది. మేటర్ ఏంటంటే… ‘చోర్ బజార్’ చిత్రానికి ‘యూవీ క్రియేషన్స్’ వారు సమర్పకులుగా వ్యవహరిస్తున్నారు. ఈ సంస్థ ప్రభాస్ తో ‘మిర్చి’ ‘సాహో’ ‘రాధే శ్యామ్’ వంటి బడా సినిమాలను నిర్మించిన సంగతి తెలిసిందే.
ఇప్పుడు రాంచరణ్ తో కూడా ఓ పాన్ ఇండియా చిత్రాన్ని నిర్మించబోతున్న సంగతి తెలిసిందే. జూన్ 24న ఈ చిత్రం గ్రాండ్ గా రిలీజ్ కాబోతుంది.యూవీ క్రియేషన్స్ ఈ సినిమాని సమర్పిస్తుండడంతో ‘చోర్ బజార్’ పై ప్రేక్షకుల ఫోకస్ గట్టిగా పడే అవకాశం ఉంది. ప్రభాస్ కు పూరి కుటుంబానికి మంచి సాన్నిహిత్యం ఉందన్న సంగతి తెలిసిందే. ఆకాష్ పూరీ గత చిత్రమైన ‘రొమాంటిక్’ ను దగ్గరుండి ప్రమోట్ చేశాడు ప్రభాస్. ఇప్పుడు ‘చోర్ బజార్’ కు ‘యూవీ’ వారు భాగం కావడం విశేషంగా చెప్పుకోవాలి.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home
