Cobra Collections: రెండో రోజు బాగా డౌన్ అయిన ‘కోబ్రా’ కలెక్షన్లు..!

September 2, 2022 / 06:24 PM IST

Join Us

Cobra Collections: రెండో రోజు బాగా డౌన్ అయిన ‘కోబ్రా’ కలెక్షన్లు..!

చియాన్ విక్రమ్ హీరోగా ‘డిమోటీ కాలనీ’ ‘అంజలి సి.బి.ఐ’ వంటి వైవిధ్యమైన చిత్రాలతో ప్రేక్షకులను అలరించిన దర్శకుడు ఆర్.అజయ్ జ్ఞానముత్తు తెరకెక్కించిన చిత్రం ‘కోబ్రా’. యాక్షన్ థ్రిల్లర్ గా తెరకెక్కిన ఈ చిత్రం ఆగస్టు 31న ప్రేక్షకుల ముందుకు వచ్చింది. ‘సెవెన్ స్క్రీన్ స్టూడియోస్’ బ్యానర్‌ పై ఎస్.ఎస్.లలిత్ కుమార్ నిర్మించిన ఈ చిత్రాన్ని తెలుగులో ఎన్వీ ప్రసాద్ ‘ఎన్వీఆర్ సినిమా’ ద్వారా విడుదల చేస్తున్నారు. ‘కె.జి.ఎఫ్'(సిరీస్) హీరోయిన్ శ్రీనిధి శెట్టి ఈ చిత్రంలో హీరోయిన్ గా నటించడం..

ఆస్కార్ అవార్డు గ్రహీత ఏ.ఆర్.రెహమాన్ ఈ చిత్రానికి సంగీతం అందించడంతో సినిమాకి మంచి బజ్ ఏర్పడింది. టీజర్, ట్రైలర్ కూడా ఆకట్టుకునే విధంగా ఉండటంతో ఈ వారం ప్రేక్షకులకు ఫస్ట్ ఛాయిస్ గా మారిపోయింది ‘కోబ్రా’.మొదటి రోజు ఈ చిత్రానికి మిక్స్డ్ టాక్ వచ్చినప్పటికీ మంచి కలెక్షన్లు రాబట్టింది.కానీ రెండో రోజు వీక్ డే అవ్వడం వలనో టాక్ ఎఫెక్ట్ వలనో కాని కలెక్షన్లు బాగా తగ్గాయి. ఒకసారి 2 డేస్ కలెక్షన్స్ ని గమనిస్తే :

నైజాం	0.87 cr
సీడెడ్	0.34 cr
ఉత్తరాంధ్ర	0.51 cr
ఈస్ట్	0.29 cr
వెస్ట్	0.22 cr
గుంటూరు	0.24 cr
కృష్ణా	0.25 cr
నెల్లూరు	0.13 cr
ఏపీ + తెలంగాణ (టోటల్)	2.85 cr

కోబ్రా చిత్రానికి తెలుగు రాష్ట్రాల్లో రూ.4.27 కోట్ల థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కావాలి అంటే రూ.4.5 కోట్ల వరకు షేర్ ను రాబట్టాల్సి ఉంది.రెండు రోజులు పూర్తయ్యేసరికి ఈ చిత్రం రూ.2.85 కోట్ల షేర్ ను రాబట్టింది. బ్రేక్ ఈవెన్ కు ఈ మూవీ రూ.1.65 కోట్ల షేర్ ను రాబట్టాల్సి ఉంది.

మొదటి రోజున బాగా కలెక్ట్ చేసిన ఈ మూవీ రెండో రోజు బాగా డౌన్ అయిపోయింది. ఈస్ట్, వెస్ట్ వంటి ఏరియాల్లో ఈ మూవీ బ్రేక్ ఈవెన్ సాధించింది. వీకెండ్ వరకు ఇదే జోష్ చూపిస్తే బ్రేక్ ఈవెన్ సాధించే అవకాశాలు పుష్కలంగా ఉంటాయి.