సినిమాల్లో మంచిగా కనిపించే నటీనటులు.. నిజజీవితంలో కూడా అలాగే ఉంటారా అంటే కచ్చితంగా అవునని చెప్పలేం. ముఖ్యంగా హీరోల విషయంలో అభిమానులకి హీరోలు దేవుళ్ళు.సోషల్ మీడియాల్లో వాళ్ళు పాజిటివ్ గా ఏదైనా అంశంపై ట్వీట్ వేస్తే.. వాళ్ళని తెగ మూసేస్తూ ఉంటారు. కానీ ఆ దేవుళ్ళు సినిమా సెట్స్ లో ఎలా ఉంటారో వాళ్ళకి తెలీదు కదా. ఇప్పుడు అలాంటి దేవుడి గురించి అదే ఓ హీరో గురించి మాట్లాడుకోబోతున్నాం.
దాదాపు 3 ఏళ్ళ నుండి ఈ హీరోకి ఒక్క హిట్టు లేదు. పెద్ద సినిమాలు చేశాడు పైగా పెద్ద దర్శకులతో సినిమాలు చేశాడు. ఆఖరికి కచ్చితంగా హిట్టు కొట్టాలని భావించి తన హిట్టు సినిమాల్లో ఓ సినిమాకి సీక్వెల్ కూడా చేశాడు. అది కూడా ఆడలేదు. ఇప్పుడు ఓ యంగ్ డైరెక్టర్ తో సినిమా చేస్తున్నాడు. ఈ సినిమా షూటింగ్ ఎక్కువ శాతం అవుట్ డోర్ లో నిర్వహిస్తున్నారు. ఈ క్రమంలో హీరోగారి హడావిడి మామూలుగా లేదు అని టాక్. వేరే ఏరియాల్లో షూటింగ్ ప్లాన్ చేస్తే.. అక్కడకి ఏసీ లేకపోతే రాను అని చెప్పాడట.
ఓ ఎత్తైన కొండ ప్రాంతానికి నటీనటులంతా వచ్చేశారు. ఎండలో వాళ్ళు చాలా ఇబ్బంది పడుతూనే హీరో కోసం ఎదురు చూశారు. కానీ హీరో ఏసీ లేదని చెప్పి.. క్యార్ వ్యాన్ లోకి వెళ్ళిపోయాడట. దీంతో యూనిట్ సభ్యులు హీరో కోసం కొండ ప్రాంతం కిందకి వచ్చి.. నానా కష్టాలు పడి ఏసీని తీసుకెళ్ళారట. తర్వాత హీరోకి డైలాగులు వివరిస్తున్నప్పుడు కుర్చీలో కూర్చొని వినీ విననట్టు వ్యవహరిస్తున్నాడట. ఇది పక్కనే ఉన్న కమెడియన్ కి నచ్చలేదు.
దీంతో ‘డైలాగులు చెబుతున్నప్పుడు నిలబడి వాళ్ళు చెప్పేది వినొచ్చు కదా’ అని అత్యుత్సాహంతో హీరోకి చెప్పాడట. అది హీరో గారికి కోపం తెప్పించింది. దీంతో ఆ కమెడియన్ తో గొడవకి దిగాడు. ఇక ఆ కమెడియన్ కూడా ఇప్పుడు బిజీ ఆర్టిస్టే. అందుకే అతను కూడా తగ్గలేదట. దీంతో హీరో తన బౌన్సర్స్ ని పిలిపించి మరింత రచ్చ చేయడానికి రెడీ అయినట్లు తెలుస్తుంది. దీంతో.. దర్శక నిర్మాతలు వచ్చి సదరు హీరోని, కమెడియన్ ని కంట్రోల్ చేసే ప్రయత్నం చేశారట. దీంతో హీరో, కమెడియన్ కంట్రోల్ అయినట్లు తెలుస్తుంది.
Home