బుల్లి తెరపై కలర్స్‌ స్వాతిగా ఓ వెలుగు వెలుగుతున్న సమయంలో వెండితెరపైకి వచ్చేసింది. ఆ తర్వాత వరుసగా కొన్ని సినిమాలు చేసింది. ప్రతి పాత్రకూ చిన్నపాటి తేడా చూపిస్తూ రాణించేలా కనిపించింది. అయితే ఏమైందో కానీ… మళ్లీ కనిపించలేదు. కొద్ది రోజులు గ్యాప్‌ ఇచ్చి మళ్లీ ‘నేను ఉన్నా’ అంటూ రీఎంట్రీ ఇచ్చింది. అక్కడికి మళ్లీ గ్యాప్‌. తాజాగా రీ రీ ఎంట్రీకి సిద్ధమవుతోంది స్వాతి. అవును మీరు వింటున్నది నిజమే.
స్వాతి కెరీర్‌ ‘కార్తికేయ’ సినిమాకు మంచి స్థానమే ఉంది. ఇప్పుడు ఆ స్థానమే తనతో రీఎంట్రీ ఇప్పిస్తోందని సమాచారం. అవును ‘కార్తికేయ 2’ గురించి మేం చెబుతున్నాం. ఈ సినిమాతో స్వాతి తిరిగి టాలీవుడ్‌లోకి వస్తోందని చెబుతున్నారు. దీని వెనుక ఓ కారణం కూడా ఉందట. ‘కార్తికేయ’ ఎక్కడ ముగిసిందో… ‘కార్తికేయ 2’ అక్కడి నుండే స్టార్ట్‌ చేస్తారట. దీంతోనే స్వాతి ఈ సినిమాలో ఉంటోంది అంటున్నారు. ‘కార్తికేయ 2’లో కథానాయికగా అనుపమ పరమేశ్వరన్‌ నటిస్తోన్న విషయం తెలిసిందే.
ఇటీవల ఆమె పాత్రకు సంబంధించి ఓ ఎంట్రీ అనౌన్స్‌మెంట్‌ వీడియో కూడా విడుదల చేశారు. అయితే ఇందులో కీలక పాత్రలో స్వాతిని చూపిస్తారట. అంతే ‘కార్తికేయ’లో ఉన్న పాత్రధారులందరూ ‘కార్తికేయ 2’లో కనిపిస్తారనే మాటలూ వినిపిస్తున్నాయి. మరి ఇందులో ఎంతవరకు నిజం ఉందో చూడాలి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
