జనసేన అధినేత పవర్ స్టార్ పవన్ కళ్యాణ్ (Pawan Kalyan) , కమెడియన్ అలీ (Ali) మధ్య ఉన్న అనుబంధం గురించి ప్రత్యేకంగా చెప్పాల్సిన అవసరం లేదు. కొన్నేళ్ల క్రితం వరకు పవన్ నటించిన ప్రతి సినిమాలో అలీ ఉన్నారనే సంగతి తెలిసిందే. పవన్ తో అనుబంధం గురించి అలీ ఆసక్తికర వ్యాఖ్యలు చేయగా ఆ వ్యాఖ్యలు నెట్టింట వైరల్ అవుతున్నాయి. పవన్ తో అనుబంధం మూడు పువ్వులు ఆరు కాయలుగా ఉందని అలీ అన్నారు.
పవన్ తో కలిసి నటించే ఛాన్స్ వస్తే తప్పకుండా నటిస్తానని అలీ పేర్కొన్నారు. సినిమా రంగంలోనే కొనసాగుతారా అనే ప్రశ్నకు అలీ స్పందిస్తూ మీరు సినిమా తీస్తానంటే చెప్పండని రేపే వచ్చేస్తానని అలీ కామెంట్లు చేశారు. తన డ్రీమ్ రోల్ గురించి అలీ మాట్లాడుతూ ఆసక్తికర వ్యాఖ్యలు చేశారు. విలన్ గా నటించాలని నాకు కోరిక అని అలీ పేర్కొన్నారు. నేను సీరియస్ గా డైలాగ్ చెప్పినా ప్రేక్షకులు నవ్వుతారని ఆయన తెలిపారు.
పవన్ తో అలీకి గ్యాప్ ఉందని ప్రచారం జరుగుతుండగా ఆ ప్రచారంలో ఏ మాత్రం నిజం లేదని అలీ చెప్పకనే చెప్పేశారు. ఇతర భాషల్లో విలన్ రోల్ గా నటిస్తే అక్కడి ప్రేక్షకులు ఆదరిస్తారేమో అని అలీ చెప్పుకొచ్చారు. మలయాళం యాక్టర్ వినాయకన్ చూడటానికి సింపుల్ గా కనిపిస్తారని అయితే జైలర్ లో ఆయన విలన్ గా నటిస్తే భయపడ్డామని అలీ కామెంట్లు చేశారు. నాలాగే వినాయకన్ కూడా ఎత్తు తక్కువ మనిషి అని అలీ చెపుకొచ్చారు. అలీ చెప్పిన విషయాలు వైరల్ అవుతున్నాయి.
పవన్ అలీ కాంబినేషన్ లో రాబోయే రోజుల్లో సినిమా వస్తుందేమో చూడాల్సి ఉంది. పవన్ కళ్యాణ్ ను అభిమానించే ఫ్యాన్స్ సంఖ్య పెరుగుతుండగా పవన్ కు తర్వాత సినిమాలతో భారీ విజయాలు దక్కాలని అభిమానులు భావిస్తున్నారు. సినిమా సినిమాకు పవన్ కళ్యాణ్ రేంజ్ అంతకంతకూ పెరుగుతోంది. పవన్ ఈ నెలలోనే షూటింగ్స్ లో పాల్గొనే అవకాశం అయితే ఉంది.
