Prudhvi Raj, Pawan Kalyan: జనసేనకు అన్ని సీట్లు గ్యారంటీ అంటున్న పృథ్వీరాజ్!

June 14, 2022 / 12:50 PM ISTByFilmy Focus

Join Us

Prudhvi Raj, Pawan Kalyan: జనసేనకు అన్ని సీట్లు గ్యారంటీ అంటున్న పృథ్వీరాజ్!

పవర్ స్టార్ పవన్ కళ్యాణ్ జనసేన పార్టీ ద్వారా రాజకీయాల్లో సంచలనాలు సృష్టించాలని ఫ్యాన్స్ భావిస్తున్నారు. అక్టోబర్ నుంచి పవన్ కళ్యాణ్ ఏపీలో పర్యటించనున్నారని సమాచారం అందుతోంది. పవన్ కళ్యాణ్ పార్టీ కోసం తాజాగా కోటిన్నర రూపాయలు ఖర్చు చేసి ఎనిమిది స్కార్పియోలను కొనుగోలు చెేసిన సంగతి తెలిసిందే. అయితే ప్రముఖ కమెడియన్ పృథ్వీరాజ్ తాజాగా పవన్ కళ్యాణ్ గురించి మాట్లాడుతూ ఆసక్తికర వ్యాఖ్యలు చేశారు. కొన్ని నెలల క్రితం వరకు వైసీపీలో ఉన్న పృథ్వీరాజ్ ఒక వివాదంలో చిక్కుకోవడం వల్ల ఆ పార్టీకి దూరం కావాల్సి వచ్చిందనే సంగతి తెలిసిందే.

ప్రస్తుతం పృథ్వీరాజ్ సినిమాలతో బిజీ అవుతున్నా పృథ్వీరాజ్ కు గతంతో పోల్చి చూస్తే మంచి పాత్రలు అయితే దక్కడం లేదు. వైసీపీలో ఉన్న సమయంలో పవన్ కళ్యాణ్ పై విమర్శలు చేసిన పృథ్వీరాజ్ ప్రస్తుతం జనసేనకు అనుకూలంగా ఒక న్యూస్ ఛానెల్ లో మాట్లాడారు. పవన్ కళ్యాణ్ రెండు చోట్ల పోటీ చేసి గెలవలేదని చాలామంది కామెంట్లు చేస్తున్నారని 2024 ఎన్నికల్లో జనసేన 40 నుంచి 50 సీట్లలో గెలవడం గ్యారంటీ అని పృథ్వీరాజ్ కామెంట్లు చేశారు.

2024 ఎన్నికల్లో పవన్ కళ్యాణ్ కింగ్ అవుతారని తాను రాసిస్తానని పృథ్వీరాజ్ చెప్పుకొచ్చారు. అధికారం లేకపోయినా పవన్ ప్రజల కోసం కష్టపడుతున్నారని పృథ్వీరాజ్ కామెంట్లు చేశారు. ప్రజల్లో మార్పు వచ్చిందని జనసేనకు అనుకూలంగా పరిస్థితులు ఉన్నాయని ఆయన వెల్లడించారు. ప్రత్యక్షంగా తాను వెళ్లిన చోట్ల పరిస్థితులను గమనించి ఈ విషయాలను వెల్లడించానని పృథ్వీరాజ్ పేర్కొన్నారు.

పృథ్వీరాజ్ వచ్చే ఎన్నికల్లో జనసేన పార్టీ తరపున పోటీ చేస్తారేమో చూడాల్సి ఉంది. పృథ్వీ రాజకీయాలకు దూరంగా ఉంటేనే బెటర్ అని కొంతమంది నెటిజన్లు ఆయనకు సూచనలు చేస్తున్నారు. గతంతో పోల్చి చూస్తే పృథ్వీరాజ్ పారితోషికం కూడా భారీగా తగ్గిందని సమాచారం అందుతోంది.